ବ୍ରାଉନ ସୁଗାର ଜବତ,ଯୁବକ ଗିରଫ

ସଦର ଥାନା ଅନ୍ତର୍ଗତ ବଳଦିଆବନ୍ଧ ୫୫ ନମ୍ବର ଜାତୀୟ ରାଜପଥର ଗୀର୍ଜା ନିକଟରୁ ପୋଲିସ ଜଣେ ବ୍ରାଉନସୁଗାର ବ୍ୟବସାୟୀକୁ ଗିରଫ କରିଥିବାର ଜଣାପଡିଛି । ଏସଟିଏଫ ଟିମ ଏବଂ ଅବକାରୀ ବିଭ।ଗତରଫରୁ ସହରରେ ବାରମ୍ବାର ଚଢାଉ କରାଯାଉଥିବା ବେଳେ ଏହାର ସୁଯୋଗ ନେଇ ଦୁର୍ବୃତ୍ତ ମାନେ ୫୫ ନମ୍ବର ଜାତୀୟ ରାଜପଥ ପାର୍ଶ୍ୱର ବ୍ରାଉନ ସୁଗାର ବ୍ୟବସାୟ କରୁଛନ୍ତି ।

ବଳଦିଆବନ୍ଧ ୫୫ ନମ୍ବର ଜାତୀୟ ରାଜପଥ ନିକଟରେ ବିକ୍ରି କରୁଥିବା ବେଳେ ବଳଦିଆବନ୍ଧ ଗ୍ରାମର ଲିଙ୍ଗରାଜ ସାହୁଙ୍କ ପୁଅ ବିଷ୍ଣୁ ଚରଣ ସାହୁ (୪୦)ଙ୍କୁ ଗିରଫ କରାଯାଇଛି । ତାଙ୍କ ନିକଟରୁ ୩୦ ଗ୍ରାମର ବ୍ରାଉନ ସୁଗାର ଜବତ ହୋଇଥିବା ବେଳେ ଏହାର ମୂଲ୍ୟ ୩ଲକ୍ଷ ଟଙ୍କା ହେବ ବୋଲି ଜଣାପଡିଛି ।