ତାଲା ଭାଙ୍ଗି ୩ ଦୋକାନରୁ ଚୋରି

ଢେଙ୍କାନାଳ-କପିଳାସ ରାସ୍ତାରେ ଥିବା କୃଷ୍ଣକୁମାରପୁର ଗ୍ରାମରୁ ସୋମବାର ବିଳମ୍ବିତ ରାତିରେ ୩ ଦୋକାନରୁ ଚୋରି ହୋଇଛି । ଏଥିରେ କୃଷ୍ଣକୁମାରପୁର ଗ୍ରାମର ଜିତେନ୍ଦ୍ର କୁମାର ସ୍ୱାଇଁ ଓ ଜୟନ୍ତ କୁମାର ସ୍ୱାଇଁଙ୍କ ଦୁଇଟି ଗ୍ରୋସରୀ ଦୋକାନ ଏବଂ ଦିବାକାର ସେଣ୍ଢଙ୍କର ଗୋଟିଏ ଦୋକାନ ରହିଛି ।

ଦୁର୍ବୃତ୍ତ ମାନେ ସୋମବାର ବିଳମ୍ବିତ ରାତିରେ ଏହିସବୁ ଦୋକାନର ଗୋଟିଏ ପରେ ଗୋଟିଏ ତାଲାଭାଙ୍ଗି ବିଭିନ୍ନ ସାମଗ୍ରୀ ସହିତ ଲକ୍ଷାଧିକ ଟଙ୍କା ଲୁଟି ନେଇଛନ୍ତି । ଦୋକାନର ଆସବାବପତ୍ରକୁ ନିକଟସ୍ଥ ଜଙ୍ଗଲରେ ଫିଙ୍ଗି ଦେଇଛନ୍ତି । ଅଭିଯୋଗ ପାଇ ମଙ୍ଗଳବାର ସକାଳେ ସଦର ଥାନା ପୁଲିସ୍ ଘଟଣାସ୍ଥଳରେ ପହଞ୍ଚି ଜଙ୍ଗଲରୁ ସାମଗ୍ରୀ ଉଦ୍ଧାର କରିବା ସହ ଏନେଇ ତଦନ୍ତ ଜାରି ରଖିଛି ।