କୃଷକ ସଚେତନତା ରଥର ଶୁଭାରମ୍ଭ

କାମାକ୍ଷାନଗର ବ୍ଲକ କୃଷି ବିଭାଗ ପକ୍ଷରୁ ଚାଷୀ ମାନଙ୍କ ହିତ ନିମନ୍ତେ ଏକ ସଚେତନତା ରଥ ର ଶୁଭାରମ୍ଭ ହୋଇଯାଇଛି । ଏହି ରଥ କାମାକ୍ଷାନଗର ବ୍ଲକର ବିଭିନ୍ନ ସ୍ଥାନରେ ବୁଲି ଚାଷୀଙ୍କ ସୁବିଧା ନିମନ୍ତେ ବିଭିନ୍ନ ସଚେତନ କରାଇବ ।

ରଥକୁ କୃଷି ଅଧିକାରୀ ଦିଲ୍ଲିପ କୁମାର ମିଶ୍ର ସବୁଜ ପତାକା ଦେଖାଇ ଶୁଭାରମ୍ଭ କରିଥିଲେ । କୃଷକ ଓଡିଶା ପୋର୍ଟାଲ ରେ ଚାଷୀଙ୍କ ନାମ ପଞ୍ଜୀକରଣ କରିବା, ପ୍ରଧାନମନ୍ତ୍ରୀ କିସାନ ଯୋଜନାରେ ଧାର୍ଯ୍ୟ ତାରିଖ ଅନୁସାରେ ଚାଷୀ ମାନେ ଅନଲାଇନ ରେ କେୱାଇସି କରିପାରିବେ ସେଥି ନିମନ୍ତେ ଏହି ରଥ ମାଧ୍ୟମରେ ସଚେତନତା କରାଯିବ ।ଏହି ଲକ୍ଷ୍ୟ ନେଇ ରଥଟି ସମସ୍ତ ପଞ୍ଚାୟତରେ ବୁଲିବା ନେଇ ବିଭାଗ ତରଫରୁ ସୂଚନା ଦିଆଯାଇଛି।କାର୍ଯ୍ୟକ୍ରମରେ ବିଭାଗର ସମସ୍ତ କର୍ମଚାରି ମାନେ ଉପସ୍ଥିତ ରହିଥିଲେ।