ଆସିବ ଆସିବ କହି
ଗଲ କେଉଁଆଡେ ରହି
ଦିନ ମୋର ବିତେ ତୁମ ପଥ
ଚାହିଁ ଚାହିଁ,
ଇଛା ଯେତେ ଶୋଇଲେଣି
ଆଖି ଦରଜ ହେଲାଣି
ତୁମର ଖୋଜ ଖବର କିଛି
ତ ନାହିଁ l
କଥା ଦେଇଯାଇ ଥିଲ
ଏସନ ଫଗୁଣେ ଆସି
ମୋ ଗାଁ ଦାଣ୍ଡରେ ଫୁଟାଇ
ବାଣ,
ଚଉଦିଗ ଦୁଲୁକାଇ
କରିବ ତୁମ ଘରଣୀ
ଆମ ପ୍ରେମ ହେବ
ଉଦାହରଣ l
ମଥାରେ ସିନ୍ଦୁର ଦେଇ
ହାତରେ ସଂଖା ପିନ୍ଧେଇ
ମଙ୍ଗଳସୂତ୍ର ବାନ୍ଧି ଦେବ
ଗଳାରେ,
ହୋମ ଅଗ୍ନି ହୁତାଶନେ
ସାକ୍ଷୀ ଦଶପାଳ ଦିଗ
ବଧୂ କରି ନେଇଯିବ ତୁମ
ସାଙ୍ଗରେ l
ତୁମ ଘର ଅର୍ଘ୍ୟ ଥାଳି
ବନ୍ଦାପନେ ହୁଳହୁଳି
ସ୍ଵାଗତରେ ନେଇଯିବେ ତ
ପାଛୋଟି,
ଦେଇପିଣ୍ଡି ଘରେ ତୁମ
ପୂର୍ବ ପୁରୁଷଙ୍କୁ ଶ୍ରାଦ୍ଧ
ଵାଢ଼ି ଶୁଭ ମନାସିବି ଯେ
ମୁଁ ନିତି l
ବୃନ୍ଦାବତୀ ମୂଳେ ପାଣି
ଟେକି ସଳିତା ଟେ ଜାଳି
ତୁମ ସୁଖସଂବୃଦ୍ଧି ପାଇଁ
କାମନା କରି,
ଗୁରୁଜନେ ଭକ୍ତି ଭାବ
ଆପଣେଇ ସୁଖ ଦୁଃଖ
ଏକ ସୂତ୍ରେ ସମସ୍ତଙ୍କୁ
ରଖିବି ଧରି l
କେତେ ଖୁସି ଆଙ୍କି ମନେ
ଆଖିରେ ତୋଳିଲ ସ୍ୱପ୍ନ
ମୋଭିତରେ ମୁଁ ଯାହା ହଜିଗଲି
ସିନା
ଅଧା ରହିଗଲା କଥା
ମନେ ଦେଲ ଏତେ ବ୍ୟଥା
ଜୀବନ ଟା ଦହଗଞ୍ଜ ହୁଏ
ତୁମ ବିନା l
ଫେରିବାର ଅପେକ୍ଷାରେ
ଆଜିବି ତୁମ ପ୍ରତୀକ୍ଷା
ସତେ ଆଉଥରେ ସ୍ୱପ୍ନ
ସଜେଇ ଦେବ,
ଇଛା ପୁଣି ଡେଣା ମେଲି
ଶାଖା ପ୍ରଶାଖା ରେ ଝୁଲି
ତୁମ ବାହୁ ବନ୍ଧନ ରେ
ଲାଜେଇ ଯିବ l
✍️ସ୍ମୃତି ସରିତା