ଢେଙ୍କାନାଳ ଜିଲ୍ଲା କଙ୍କଡ଼ାହାଡ଼ ବ୍ଲକ ବାମ ପଞ୍ଚାୟତ ଗୋବରୀ ମହାନ୍ତ ସାହି ରାସ୍ତା ରେ ପଚ ପଚ କାଦୁଅ ହେବାରୁ ପିଲାମାନେ ପାଠ ପଢ଼ାରୁ ବଞ୍ଚିତ ଅଛନ୍ତି ଏହାକୁ ନେଇ କଙ୍କଡ଼ାହାଡ଼ ବିଡିଓ ଙ୍କୁ ଏକ ଅଭିଯୋଗ ହୋଇଛି ।
ପ୍ରକାଶ ଥାଉକି ଗୋବରୀ ସାହିର ମହାନ୍ତ ସାହିକୁ ଯିବାକୁ ହେଲେ ଦୁଇଟି ନାଳ ଅତିକ୍ରମ କରିବାକୁ ପଡି ଥାଏ , ସରକାର ପାଞ୍ଚ ଲକ୍ଷ ଟଙ୍କା ଖର୍ଚ୍ଚ କରି ଗୋଟିଏ ନାଳରେ ଗୋଟିଏ ଗଡା ପୋଲ କରିଥିଲେ। ହେଲେ ସେହି କାମ ନିମ୍ନମାନର କରି ଥିବାର ଗ୍ରାମ ବାସୀ ଅଭିଯୋଗ କରିଛନ୍ତି ।
ରାସ୍ତା ଉପର ପାର୍ଶ୍ୱରେ ଗୋଟିଏ ପୋଖରୀ ଥିବାରୁ ଠିକାଦାର ଡ୍ରେନେଚ ନ କରିବାରୁ ରାସ୍ତାରେ ଯାତାୟତ ଅସମ୍ଭବ ହୋଇ ପଡିଛି । ଏହି ଅଭିଯୋଗରେ ଗ୍ରାମର ମହିଳା ଏବଂ ପୁରୁଷ ମିଳିତ ସହଯୋଗରେ ଏକ ଦାବିପତ୍ର ପ୍ରଦାନ କରିଛନ୍ତି। ଆଗାମୀ ଦିନରେ ରାସ୍ତା କୁ ତୁରନ୍ତ ମରାମତି କରାନଗଲେ ଗ୍ରାମବାସୀ ବ୍ଲକରେ ଧାରଣା ଦେବେ ବୋଲି ଚେତାବନୀ ଦେଇଛନ୍ତି।