ପିତା ଅଟେ ଆମ ସଭିଙ୍କ ସମ୍ମାନ
ଅଟନ୍ତି ଆମ ଜୀବନ
ଶିକ୍ଷୁ ସବୁ ଧର୍ମ ଅବା ଯେତେ କର୍ମ
ଅଟନ୍ତି ସେ ଭଗବାନ l
ନିତି ଆଦର୍ଶର ଜୀବନ ତାଙ୍କର
ପରିବାର ମେରୁଦଣ୍ଡ
ଦୁଃଖ କଷ୍ଟ ସହି ସଭିଙ୍କର ପାଇଁ
ଖଟୁଥାନ୍ତି ଦିନଦଣ୍ଡ l
ଭାରି ପରିଶ୍ରମୀ ଜୀବନ କାହାଣୀ
କହିଲେ ସରେ ନି ଦିନ
ପରିବାର ହସଖୁସିର କାରଣ
ପିତା ସେ ପରମ ବ୍ରହ୍ମ l
ପରିବାର କ୍ଷୁଧା ଦୂରେ କରେ ସଦା
ସଂକଳ୍ପ ତାଙ୍କ ଅଟଇ
ଜନମ ଯାହାର କହଇ ସଂସାର
କେହି ତାଙ୍କ ସମ ନାହିଁ l
ସନ୍ତାନର ପାଇଁ ସାହାସ ଅଟଇ
ନିତି ଆଦର୍ଶ ମଣିଷ
ସକଳ ସଂସାର ତିଷ୍ଠି ରହିବାର
ଅଟନ୍ତି ମହାପୁରୁଷ l
ପିତା ମାତା ପ୍ରତି ତାଙ୍କ ସେବା ଦେଖି
ନଇଁ ଯାଏ ଆମ ମଥା l
ନିଜ ପତ୍ନୀ ପାଇଁ ଦେବତା ଅଟନ୍ତି
ଏ ସଂସାର ସୃଷ୍ଟି କର୍ତା l
ସହନଶୀଳତା ଆଉ ସଂଯମତା
ଶିଖିଥାଉ ତାଙ୍କ ଠାରୁ
ଜୀବନ ତାଙ୍କର ଅତି ଉଚତ୍ତର
ପରିବାର ମହାମେରୁ l
ଆକାଶ ଠୁ ଉଚ୍ଚା ଅଟେ ତାଙ୍କ ଚିନ୍ତା
ପୃଷ୍ଟ ହୋଇ ସହିଥାନ୍ତି
ଆସିଲେ ବିପଦ ସମୟ ଦୁଖଃଦ
ସବୁ ସାମନା କରନ୍ତି l
ପରିବାର ଭଲ ମନ୍ଦର କାରଣ
ଅଟନ୍ତି ପିତା ଆମର
ହସୁଥାଏ ଘର, ଦାଣ୍ଡ ଓ ଦୁଆର
ହସେ ଏ ସାରା ସଂସାର l
ପିତା ସବୁ ସୁଖ ଶାନ୍ତିର କାରଣ
ଜୀବନର ଗତିପଥ
ପିତା ବିନା କେହି ସୁଖେ ବଂଚିନାହିଁ
ଏ କଥା ଅଟଇ ସତ l
ସତ୍ୟ ଧର୍ମ ନ୍ୟାୟ ସଭିଙ୍କୁ ପାଥେୟ
କରି ସିଏ ବଞ୍ଚିଥାନ୍ତି
ପିତା ଆମ ଧର୍ମ ପିତା ଆମ କର୍ମ
ପ୍ରାଣ ସେ ଆମ ଅଟନ୍ତି l
ପିତା ଆମ ଶକ୍ତି ଗତି ଆଉ ମୁକ୍ତି
ଅଟନ୍ତି ସାହାସ ସ୍ୱର
ଖରା ବର୍ଷା ଶୀତ ଖଟି ଦିବାରାତ୍ର
ସଭିଙ୍କର ସେ ଆଦର l
ବନ୍ଧୁ ପରିବାର ସମ୍ପର୍କ ସୁନ୍ଦର
ସେ ଯୋଗୁଁ ସମ୍ଭବପର
ମିଛ ମାୟା ଭରା ଏ ସଂସାରେ ପରା
ସେ ଏକା ଆମ ନିଜର l
ପୁରୁଷ ପ୍ରଧାନ ଅଟନ୍ତି ସେ ଆମ
ମଣିଷ ରୂପେ ଦେବତା
କୋଟି ପ୍ରଣିପାତ କର ମଥାନତ
ହେ ପ୍ରଭୁ ଜନମ ଦାତା l
✍️ସରୋଜ କୁମାର ସାହୁ