ଢେଙ୍କାନାଳ ଜିଲ୍ଲା ଓଡାପଡା ବ୍ଲକ ଅନ୍ତଗର୍ତ ଦାଣ୍ଡିମାଳ ଉଚ୍ଚ ବିଦ୍ୟାଳୟର ତ୍ରୁଟିପୂର୍ଣ୍ଣ ଗେଟ ନିର୍ମାଣ ଯୋଗୁ ଚଳିତ ବର୍ଷ ହାଇସ୍କୁଲ ସମ୍ମେଟିଭ ପରୀକ୍ଷା ପ୍ରଶ୍ନପତ୍ର ନେଇ ଆସିଥିବା ଗାଡ଼ି ଗେଟରେ ଅଟକି ରହିଲା । ଶେଷରେ ପ୍ରଶ୍ନପତ୍ର ଅଟୋରେ ବୁହା ହେବା ଘଟଣା ଏବେ ଅଞ୍ଚଳରେ ଚର୍ଚ୍ଚାର କେନ୍ଦ୍ର ପାଲଟିଛି ।
ଦାଣ୍ଡିମଳ ଉଚ୍ଚ ବିଦ୍ୟାଳୟରେ ଜିଲ୍ଲା ଲଘୁ ଏବଂ ଖଣିଜ ସମ୍ପଦ ପାଣ୍ଠିରେ ଏକ ନୂତନ ଗେଟ ନିର୍ମାଣ ହୋଇଛି । ଏହି ଗେଟ ରାସ୍ତାର ପତ୍ତନ ଠାରୁ ବହୁ ତଳେ ଥିବା ବେଳେ ଗେଟ ମଧ୍ୟଦେଇ ଭିତରକୁ ପ୍ରବେଶ ପଥର ଉଚ୍ଚତା ବହୁତ କମ ହୋଇଛି ।
ଚଳିତ ବର୍ଷ ନଭେମ୍ବର ୨୩ ତାରିଖରୁ ହାଇସ୍କୁଲ ପରୀକ୍ଷା ପାଇଁସମ୍ମେଟିଭ ପରୀକ୍ଷା ଆରମ୍ଭ ହୋଇଥିବା ବେଳେ ଏକ ମିଲ୍କ ଭ୍ୟାନରେ କଡା ସୁରକ୍ଷା ମଧ୍ୟରେ ପ୍ରଶ୍ନପତ୍ର ଆସିଥିଲା । ମିଲ୍କ ଭ୍ୟାନଟି ଗେଟ ମଧ୍ୟଦେଇ ପ୍ରବେଶ କରିବା ମାତ୍ରେ ତାହା ଗେଟରେ ଲାଗି ଗେଟର କିଛି ଅଂଶ ଭାଙ୍ଗଯିବା ସହିତ ଗେଟରେ ହିଁ ଗାଡିଟି ଅଟକି ରହିଥିଲା । ଗାଡିଟି ଭିତରକୁ ପ୍ରବେଶ କରିବା ସମ୍ଭବ ହୋଇନଥିବା ବେଳେ ସେହିଠାରୁ ପ୍ରଶ୍ନପତ୍ରକୁ ଏକ ଅଟୋ ମାଧ୍ୟମରେ ଷ୍ଟ୍ରଙ୍ଗ ରୁମକୁ
ନିଆଯାଇଥିଲା ।
ତେବେ ଲକ୍ଷ ଲକ୍ଷ ଟଙ୍କା ବ୍ୟବୟରେ ବିଦ୍ୟାଳୟ ମୁଖ୍ୟ ଫାଟକଟି ତୃଟିପୂର୍ଣ୍ଣ ଭାବରେ ନିର୍ମାଣ କରାଯାଇଥିବାରୁ ବିଦ୍ୟାଳୟ ଭିତରକୁ ଗାଡି ଯିବା ସମ୍ଭବ ହେଉନାହିଁ ।
ପୁନଶ୍ଚ ଗେଟଟି ସରକାରୀ ଜମି ଉପରେ ଏବଂ ରାସ୍ତା ଠାରୁ ବହୁ କମ୍ ଉଚ୍ଚତାରେ କିଭଳି ନିର୍ମାଣ କରାଗଲା ଏବଂ ବିଭାଗୀୟ ଯନ୍ତ୍ରୀ କିଭଳି ଅନୁମତି ପ୍ରଦାନ କଲେ ତାକୁନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ସାଧାରଣ ମଲ୍କି ଭ୍ୟାନ ଯଦି ଭିତରକୁ ପ୍ରବେଶ କରିପାରୁନାହିଁ ।
ତେବେ ଭଡ ଗାଡି ଭିତରକୁ ଯିବା ଅସମ୍ଭବ ହୋଇପଡିଛି ଗାଡି ଯୋଗୁ ଗେଟ ଭାଙ୍ଗିବା କ୍ଷତିପୂରଣ କିଏ ଦେବ ବୋଲି ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ଘଟଣାକୁ ନେଇ ପ୍ରଧାନଶିକ୍ଷକ ଅମର ମଲ୍ଲିକଙ୍କୁ ଯୋଗାଯୋଗ କରିବାରୁ ସେ କୁହନ୍ତି ଯେ,ଗେଟରେ ଗାଡିଟି ଲାଗାଯିବାରୁ ପ୍ରଶ୍ନପତ୍ର ଏକ ଅଟୋରେ ବୁହା ହେଉଛି ।
ଯେଉଁ ଅଂଶ ଗେଟର କ୍ଷତି ହୋଇଛି ତାହା ବୋର୍ଡ ତରଫରୁ ପ୍ରଦାନ କରାଯିବ ବୋଲି ଜଣାପଡିଛି । ଘଟଣା ସମ୍ପର୍କରେ ପ୍ରଧାନ ଶିକ୍ଷକ ଜିଲ୍ଲାପାଳ ସରୋଜ କୁମାରସେଠୀ, ଡିଇଓ ନିବେଦିତା ପାଣି ଏବଂ ବିଡିଓଙ୍କୁ ଅବଗତ କରିଥିବାର କହିଛନ୍ତି ।