ସୂଚନା ଅନୁଯାୟୀ ,ବିନା କୌଣସି ସିଗନାଲ ଦେଇ ବିଦ୍ୟୁତ ବିଭାଗର ଠିକା ସଂସ୍ଥା ବିଦ୍ୟୁତ ଖୁଣ୍ଟ ଗୁଡିକ ଶନିବାର ରାତିରେ ନେଉଥିବା ବେଳେ ଢେଙ୍କାନାଳ ସହର ସ୍ଥିତ କୁଞ୍ଜକାନ୍ତ ଅଞ୍ଚଳରେ ଏକ ଦୁର୍ଘଟଣାରେ ଘଟିଛି ।
ସମ୍ପୃକ୍ତ ଠିକା ସଂସ୍ଥାର ବେପାରୁଆ ଗାଡ଼ି ଚାଳନା ହେତୁ ସ୍ଥାନୀୟ ଅଞ୍ଚଳର ଜଣେ ବାଇକ ଚାଳକ ଗୁରୁତ୍ତର ଅବସ୍ଥାରେ ମେଡ଼ିକାଲ ରେ ଭର୍ତ୍ତି ହୋଇ ପରେପରେ କଟକ ରେଫର ହୋଇଥିଲେ । ତେବେ କୌଣସି ସିଗନାଲ ନଦେଇ ରାତିଅଧିଆ ଏତେ ବଡ଼ ପୋଲ୍ କିପରି ଠିକାଦାର ଉଠାଉଥିଲେ ତାହାକୁ ସର୍ବସାଧାରଣ ରେ ନିନ୍ଦା ଦେଖାଦେଇଛି ।
ଅନ୍ୟପକ୍ଷରେ ସମ୍ପୃକ୍ତ ଚାଳକ ବିନା ଲାଇସେନ୍ସ ରେ କିଭଳି ଗାଡି ଚାଳନା କରୁଥିଲେ ଏଭଳି ଠିକାଦାରଙ୍କୁ କିଭଳି ଢେଙ୍କାନାଳ ର ବିଦ୍ୟୁତ ଯନ୍ତ୍ରୀ ସ୍ୱୀକୃତି ପ୍ରଦାନ କରିଛନ୍ତି ଏହା ଯନ୍ତ୍ରୀଙ୍କ ବେପାରୁଆ ମନୋଭାବ ସହ ଭିତିରି ବୁଝାମଣା କୁ ସ୍ପଷ୍ଟ ଦର୍ଶାଉଛି ।