ଢେଙ୍କାନାଳ ଜିଲ୍ଲା କଙ୍କଡ଼ାହାଡ଼ ବ୍ଲକ ବିରାଶାଳ ମେଡିକାଲ ଅଧୀନ ରେ ଚାଲୁଥିବା ମେଡିକାଲ ଗୁଡ଼ିକ କୁ କେଉଁଠି ଡ଼ାକ୍ତର ନାହାନ୍ତି ତ, କେଉଁଠି ଘର ନାହିଁ, ଯେଉଁଠି ବି ଅଛନ୍ତି ସକାଳେ ଆସନ୍ତି ଉପରବେଳା କୁ ନାହିଁ । ଯୋଜନା ଏଠି ସବୁ ପ୍ରକାର ଫେଲ୍ ମାରୁଛି । ଏହି ମେଡିକାଲ ଅଧୀନ ରେ ବିରିବୋଲେଇ ଏବଂ ମହାବିରୋଡ ୨ଟି ସେକ୍ଟର ଅଛି ।
୯ ଗୋଟି ପଞ୍ଚାୟତ କୁଟୁରିଆ , ମହାବୀର ରୋଡ, ଘାଗରମୁଣ୍ଡା, ବିରୀବୋଲେଇ, ଚାନ୍ଦପୁର, ଝିଲ୍ଲି,ଗଡ଼ପଳାଶୁଣି ,ପଙ୍ଗାତିରା ପ୍ରଭୁତି ପଞ୍ଚାୟତ ର ହିତାଧିକାରୀ ୧୯/୦୧/୨୦୨୩ ତାରିଖ ଠାରୁ ବନ୍ଧ୍ୟା ନିରାକରଣ ଯୋଜନାରେ ବିରାଶାଳ ମେଡିକାଲକୁ ଯାଇ ଅପରେସନ ହୋଇଥିଲେ ।୬ ମାସ ସରିବାକୁ ବସିବ ଅଥଚ ସରକାର ଙ୍କ ପ୍ରଦତ୍ତ ଟଙ୍କା ଏଯାବତ୍ ହିତାଧିକାରୀଙ୍କ ପାଖକୁ ଆସିପରିଲା ନାହିଁ ।
ଏହି ପଞ୍ଚାୟତ ଗୁଡ଼ିକ ରୁ ଅପରେସନ ପାଇଁ ୮୦୦ ରୁ ୧୦୦୦ଟଙ୍କା ପର୍ଯ୍ୟନ୍ତ , (ଯେହେତୁ ପାଖାପାଖି ମେଡିକାଲ କୁ ୩୦ କିମି ହେବ) ଅଟୋ କରିକି ନେଇଛନ୍ତି ବୋଲି ପ୍ରକାଶ କରିଛନ୍ତି । ସେମାନେ ଯୋଜନା ରୁ ପାଇବେ ୧୪୦୦ ଟଙ୍କା। ଗାଡ଼ି ଭଡ଼ା ରେ ଗଲା ୧୦୦୦ , ଆଉ ୪୦୦ ଟଙ୍କା ପାଇବାକୁ ଧାଇଁ ଲେଣି ୬ ମାସ । ସରକାର ଙ୍କ ଯୋଜନା ଅନୁସାରେ ଏଥିପାଇଁ ଗସ୍ତ ଖର୍ଚ୍ଚ ଦେବାର ମଧ୍ୟ ଯୋଜନା ଥିବାବେଳେ ମିଥ୍ୟା ଭାଉଚର କରି ବିଲ୍ କରାଯାଉଥିବା ର ମଧ୍ୟ ଅଭିଯୋଗ ହୋଇଛି ।
ଖବର ନେବାରୁ ଜଣାଯାଇଛି ଗଡପଳାଶୁଣି ମୋଟ ୫୩ ଜଣ ଟଙ୍କା ପାଇ ପାରିନାହାନ୍ତି । ଏକ ସପ୍ତାହ ମଧ୍ୟରେ ଆମ୍ଭ ଟଙ୍କା ପ୍ରଦାନ ନକଲେ ବ୍ଲକ କାର୍ଯ୍ୟାଳୟ ସମ୍ମୁଖରେ ସମସ୍ତେ ଧାରଣା ଦେବେ ବୋଲି ବିନତୀ ସାହୁ, ଜୟନ୍ତୀ ବେହେରା, ଗୁରୁବାରି ଷେଣ୍ଢ, ସବିତା ଷେଣ୍ଢ, ପ୍ରମିଳା ବେହେରା, ସୁଭଦ୍ରା ମୋହ।ରୋ ପ୍ରକାଶ କରିଛନ୍ତି । ଏଥିପ୍ରତି ଜିଲ୍ଲାପାଳ ମହୋଦୟ ସ୍ଵତନ୍ତ୍ର ଦୃଷ୍ଟି ଦେବାକୁ ମଧ୍ୟ ହିତାଧିକାରୀ ମାନେ ମଧ୍ୟ ନିବେଦନ କରିଛନ୍ତି।