ଢେଙ୍କାନାଳ ବନଖଣ୍ଡ ସଦର ରେଞ୍ଜ କପିଳାସ ମେଘା ସଂରକ୍ଷିତ ଜଙ୍ଗଲରେ ଏକ ହାତୀ ଛୁଆକୁ ଅଂଶୁଘାତ ହେବା ପରେ ତାକୁ କପିଳାସ ହାତୀ ସଂରକ୍ଷଣ କେନ୍ଦ୍ରରେ ଭର୍ତ୍ତି କରାଯାଇଥିଲା, ସେଠାରେ ଗଟକାଲି ହାତୀ ଛୁଆଟିର ମୃତ୍ୟୁ ହୋଇ ଯାଇଥିବାର ଜଣାପଡିଛି ।
ଗତ ୯ ତାରିଖରେ ୩୮ଟିକିଆ ହାତୀପଲ ମଧ୍ୟରେ ଏକ ତିନି ବର୍ଷର ମାଈ ହାତୀ ଛୁଆ ଗୋଠ ଛଡା ହୋଇ ରହୁଥିଲା । ବନ ବିଭାଗ କର୍ମଚାରୀ ମାନେ ଶନିବାର ଦିନ ହାତୀ ଛୁଆକୁ ଠାବ କରିବା ସହିତ ତାଙ୍କୁ ମେଘା ଜଙ୍ଗଲ ମଧ୍ୟରେ ଟ୍ରାଙ୍କୁଲାଇଜ କରାଯାଥିଲା । ପରେ ତାକୁ ଏକ ପିକଅପ ଭ୍ୟାନରେ ଉଦ୍ଧାର କରି କପିଳାସ ହାତୀ ସଂରକ୍ଷଣ କେନ୍ଦ୍ରରେ ଭର୍ତ୍ତି କରାଯାଇଥିବାର ଜଣାପଡିଛି ।
ହାତୀଟିର ପାଟିରେ କ୍ଷତ ହୋଇଥିବା ବେଳେ ସେ କିଛି ଖାଇପିଇ ପାରୁନଥିବା ବେଳେ ଅଧିକ ଦୁର୍ବଳ ହୋଇଯାଇଥିଲା । ହାତୀଟିକୁ ଅଂଶୁଘାତ ହୋଇଥିବାର ସନ୍ଦେହ କରାଯାଇ ତାର ମୁଣ୍ଡରେ ପ୍ରବଳ ପାଣି ଢଳାଯାଇଥିଲା । ହାତୀଟିକୁ କପିଳାସ ହାତୀ ସଂରକ୍ଷଣ କେନ୍ଦ୍ରରେ ଭର୍ତ୍ତି କରାଯାଇ ଅଧିକ ଚିକିତ୍ସା ନିମନ୍ତେ ରଖାଯାଇଥିଲା । ହାତୀକୁ ଉଦ୍ଧାର ପାଇଁ ବନଖଣ୍ଡ ଅଧିକାରୀଙ୍କ ସହିତ ସଦର ଏବଂ କପିଳାସ ରେଞ୍ଜର କର୍ମଚାରୀ ମାନେ ଉପସ୍ଥିତ ରହିଥିଲେ ।ହାତୀ ଛୁଆଟିର ପାଟିରେ ହୋଇଥିବା କ୍ଷତ ଭଲ ନହେବାରୁ ତାର ମୃତ୍ୟୁ ଘଟିଥିବାର ଜଣାପଡିଛି ।