ଜିଲ୍ଲା ପ୍ରଶାସନ ପକ୍ଷରୁ ପିଆଜ ଦର ନିର୍ଦ୍ଧାରିତ

ଅସାଧୁ ଉପାୟରେ ପିଆଜ ମହଜୁଦ ରଖି କଳାବଜାରି କରୁଥିବାର ଅଭିଯୋଗ ଆସିଲା ପରେ ଜିଲ୍ଲା ବେସାମାରିକ ଯୋଗାଣ ବିଭାଗ ତରଫରୁ ପିଆଜ ଗୋଦାମ ମାନଙ୍କରେ ଚଡାଉ କରି ତନଖି କରାଯାଇଛି ।

ଏହାସହିତ ଉପଖଣ୍ଡ ସ୍ତରରେ ମଧ୍ୟ ଉପଜିଲ୍ଲାପାଳ, ବେସାମାରିକ ଯୋଗାଣ କର୍ମଚାରୀ ଓ ଫୁଡ ଇନସପେକ୍ଟର ମିଳିତ ଭାବେ ସ୍ଥାନୀୟ ବଜାରରେ ଚଡାଉ କରି ତନଖି କରିଛନ୍ତି lଏହି ପ୍ରରିପ୍ରେକ୍ଷୀରେ ପିଆଜ ଗୋଦାମର ମାଲିକ ମାନଙ୍କ ସହ ଆଲୋଚନା କରି ପିଆଜ ର ଦର ନିର୍ଦ୍ଧାରଣ କରାଯାଇଛି l ଢେଙ୍କାନାଳକୁ ପିଆଜ ମୁଖ୍ୟତଃ ନାସିକ ଓ ରାୟପୁର ରୁ ଆସୁଛି ତେଣୁ ଏ ସବୁକୁ ଦୃଷ୍ଟିରେ ରଖି ପ୍ରଶାସନ ତରଫରୁ ନିମ୍ନମତେ ପିଆଜ ଦର ନିର୍ଦ୍ଧାରଣ କରାଯାଇଛି l

ମୂଳ ଦର ୫୦ଟଙ୍କା ପ୍ରତି କେ.ଜି ହୋଇଥିବା ବେଳେ,ପରିବହନ ଖର୍ଚ୍ଚ -୩.୩୫ ଟଙ୍କା ପ୍ରତି କେଜି ଏବଂ ଲୋଡିଂ/ଅନଲୋଡିଂ – ୦.୩୦ପ୍ରତି କେ.ଜି ଏ ସମସ୍ତ ଖର୍ଚ୍ଚ କୁ ଦୃଷ୍ଟିରେ ରଖି ପିଆଜ ର ହୋଲସେଲ ବେପାରୀ ମାନେ କେଜି ପିଛା ୫୫ ଟଙ୍କା ଓ ଖୁଚୁରା ବେପାରୀ କେଜି ପିଛା ୬୦ ଟଙ୍କାରେ ବିକ୍ରି କରିପାରିବେ l

ଏହା ଠାରୁ ଅଧିକ ଦରରେ ବିକିଲେ ସେମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ,ଯଦି ପରବର୍ତ୍ତୀ ସମୟରେ ପିଆଜର ମୂଳ ଦର କମିବ ତେବେ ସେ ଅନୁସାରେ ହୋଲସେଲ ଦର ଓ ଖୁଚୁରା ଦର ମଧ୍ୟ କମିବ l ଏହି ବୈଠକରେ ଜିଲ୍ଲା ବେସାମାରିକ ଯୋଗାଣ ଅଧିକାରୀ ଶ୍ରୀ ବସନ୍ତ କୁମାର ପଣ୍ଡା ଓ ଆନନ୍ଦବଜ଼ାରର ପିଆଜ ହୋଲସେଲର ବ୍ୟବସାୟୀ ମାନେ ଉପସ୍ଥିତ ଥିଲେ