ଶୋଚନୀୟ ଅଵସ୍ଥାରେ ବଣିଆପଡ଼ା ଗାଁ ରାସ୍ତା

ଓଡ଼ାପଡ଼ା ବ୍ଲକ ଅନ୍ତର୍ଗତ ବଣିଆପଡ଼ା ଗାଁ କୁ ଯାଇଥିବା ରେଲୱେ ଅଣ୍ଡର ପାସ ରାସ୍ତା ଶୋଚନୀୟ ଅବସ୍ଥାରେ ପରିଣତ ହୋଇଛି ।ଏହା ଗାଁ କୁ ଯିବାକୁ ମୁଖ୍ୟ ରାସ୍ତା ହୋଇଥିବା ବେଳେ , ନିକଟସ୍ଥ ବାଲିଘାଟକୁ ସେହି ରାସ୍ତା ଦେଇ ଦୈନିକ ଶତାଧିକ ଥର ବାଲିବୋଝେଇ ହାଇୱା ଯିବା ଆସିବା କରୁଛି ।
।

ଏବେ କାଳବୈଶାଖୀ ବର୍ଷା ହେବା ଫଳରେ ଉଚା ସ୍ଥାନରୁ ବୋହି ଆସିଥିବା ବର୍ଷା ପାଣି ଓ କାଦୁଅ ରେଲୱେ ଅଣ୍ଡରପାସ ରେ ଜମି ରହିଛି ଏବଂ ଶତାଧିକ ଥର ଭାରିଯାନ ଯିବାଆସିବା କରିବା ଫଳରେ ରାସ୍ତାଟି ଅତ୍ୟନ୍ତ ଶୋଚନୀୟ ହୋଇପଡିଛି ।

ଏହି ରାସ୍ତାଦେଇ ବଣିଆପଡ଼ା ଗ୍ରାମବାସୀ ଯିବାଆସିବା କରିବା କଷ୍ଟକର ହୋଇପଡିଛି । ଚାରିଚକିଆ ଗାଡିକୁ ଛାଡିଦେଲେ ଦୁଇଚକିଆ ଗାଡି ତ ଦୂରର କଥା ପାଦରେ ଚାଲିଯିବା ପାଇଁ କାଦୁଅ ଓ ଗାତ ମଧ୍ୟଦେଇ ଯିବାକୁ ପଡୁଛି । ଯାହାକୁ ନେଇ ଗ୍ରାମବାସୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି ।