ସଡ଼କ ଦୁର୍ଘଟଣା ରେ ସରସ୍ୱତୀ ଶିଶୁ ମନ୍ଦିର ଶିକ୍ଷୟତ୍ରୀ ଙ୍କର ଚାଲିଗଲା ଜୀବନ

ଢେଙ୍କାନାଳ ଟାଉନଥାନା ମହିଷାପାଟ ଟ୍ରେନିଙ୍ଗ ସେଣ୍ଟର ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ସ୍କୁଟିରେ ଯାଉଥିବା ଜଣେ ଶିକ୍ଷୟତ୍ରୀଙ୍କ ଉପରେ ଚଢ଼ିଗଲା ପରିବା ବୋଝେଇ ଟ୍ରକ। ଫଳରେ ଘଟଣା ସ୍ଥଳରେ ଏହି ଶିକ୍ଷୟତ୍ରୀଙ୍କର ମୃତ୍ୟୁ ଘଟିଛି।

ସୂଚନା ଅନୁଯାୟୀ , ସରସ୍ଵତୀ ଶିଶୁ ମନ୍ଦିରର ଶିକ୍ଷୟତ୍ରୀ ସୁମିତ୍ରା ଜେନା ମହିଷାପାଟ ନିଜ ଘରୁ ସହର ଆଡ଼େ ଆସୁଥିବା ସମୟରେ ଶଙ୍କରପୁର ଆଡୁ ଆସୁଥିବା ଏକ ଦୃତଗାମୀ ପରିବା ଗାଡି ତାଙ୍କୁ ଧକ୍କା ଦେଇଥିଲା ଏବଂ ଗାଡିଟି ଦୃତ ଗତିରେ ଚାଲିଯାଇଥିଲା।

ଖବର ପାଇ ଟାଉନ ପୁଲିସ ପହଞ୍ଚି ମୃତଦେହକୁ ଉଦ୍ଧାର କରି ଶବ ବ୍ୟବଚ୍ଛେଦ ପାଇଁ ଢେଙ୍କାନାଳ ମୁଖ୍ୟ ଡାକ୍ତରଖାନାକୁ ପଠାଇଛି । ସେପଟେ ଦୁର୍ଘଟଣା ଘଟାଇଥିବା ପରିବା ବୋଝେଇ ଟ୍ରକକୁ ପୋଲିସ ଜବତ କରି ତଦନ୍ତ ଚଳାଇଛି ।