କପିଳାସ ଅଭୟାରଣ୍ୟରେ ହାତୀଙ୍କ ପାଇଁ ହେବ ରେଲୱେ ଓଭରପାସ ନିର୍ମାଣ

ଢେଙ୍କାନାଳ ବନଖଣ୍ଡ କପିଳାସ ଅଭୟାରଣ୍ୟ ତଥା ରେଞ୍ଜରେ ଜିଲ୍ଲାର ସର୍ବାଧିକ ହାତୀ ରହିଛନ୍ତି ।ହାତୀ ଗୁଡକି ଖାଦ୍ୟ ପାଇଁ ଏବଂ ନିଜ ଶରୀର ଦୃଷ୍ଟିରୁ ଦୈନିକ ୫୬ କିଲୋମିଟର ଯାତାୟତ କରୁଥିବାବେଳେ ଦୈନିକ ରେଳ ଲାଇନ ଅତିକ୍ରମ କରିଥାନ୍ତି । ଢେଙ୍କାନାଳ-ଶାଳଗାଁ ସେକସନର ରାଜା ଆଠଗଡ ଏବଂ ଗୋବିନ୍ଦପରୁ ମଝିରେ ରେଳ ଲାଇନ ପାର ହେବା ପାଇଁ ଏକ ହାତୀ ଓଭରପାସ ନିର୍ମାଣ ପାଇଁ ଜାତୀୟ ବନ୍ୟପ୍ରାଣୀ ବୋର୍ଡ ପରିବେଶ ମଞ୍ଜରୁୀ ପ୍ରଦାନ କରିଥିବାର ଜଣାପଡିଛି । ଢେଙ୍କାନାଳ ବନଖଣ୍ଡରେ ମୋଟ ୧ ହଜାର ୭୩୭ ବର୍ଗ କିଲୋମିତ୍ର ଜଙ୍ଗଲ ସହିତ ୧ ହଜାର ୧୪୧ ବର୍ଗ କିଲୋମିଟର ସଂରକ୍ଷତି ଜଙ୍ଗଲ,୫୯୬ ବର୍ଗ କିଲୋମିଟର କେଏଫ ଜଙ୍ଗଲ ରହିଛି ।

ଢେଙ୍କାନାଳ,ହିନ୍ଦୋଳ,ମହାବିରୋଡ,କାମାକ୍ଷାନଗର ପୂର୍ବ, ପଶ୍ଚମି ସହତି ଭୁବନ,ଷଢଙ୍ଗୀ,କପିଳାସ ଭଳି ୮ଟି ରେଞ୍ଜ ସହିତ ୩୭ଟି ସେକସନ ଏବଂ ୧୦୪ଟି ବିଟ ରହିଛି ।କପିଳାସ ଜଙ୍ଗଲକୁ ଗତ ୨୦୧୧ ମସିହା ଏପ୍ରିଲ ୨ ତାରଖି ରେ ଅଭୟାରଣ୍ୟ ଭାବରେ ଘୋଷଣା କରାଯାଇଥିଲା । ପ୍ରାୟ ୧୨୫.୫ ବର୍ଗ କିଲୋମିଟରରେ
ପରିବ୍ୟାପ୍ତ ଅଞ୍ଚଳକୁ ନେଇ ଗଠିତ ହୋଇ କପିଳାସ ଅଭୟାରଣ୍ୟ ।ସମୁଦ୍ର ପତ୍ତନଠାରୁ ପ୍ରାୟ ୧ଶହରୁ ୬ଶହ ଉଚ୍ଚତାରେ ରହିଛି ଏହି ଅଭୟାରଣ୍ୟ ।

ଏହି ଅୟାଣ୍ୟରେ ବହୁ ଜୀବ ଜନ୍ତୁଙ୍କ ସହିତ ହାତୀ , ହରିଣ, ବାଘ, ଝିଙ୍କ,କୁଟୁରା,ସମ୍ବର,ଭାଲୁ,ବଜ୍ର କାପ୍ତା,ଅହିରାଜ,ଅଜଗର ସାପ ବି ରହୁଛନ୍ତି । ଜୀବଜନ୍ତୁରେ ପୂର୍ଣ୍ଣ କପିଳାସକୁ ଇକୋସେନ୍ସେଟିଭ ଜୋନ ଭାବରେ ଘୋଷଣା କରାଯାଇଛି । ଗତ ୨୦୧୪ ମସିହା ଏପ୍ରିଲ ୪ ତାରିଖରେ ଭାରତର ପରିବେଶ ମନ୍ତ୍ରଣାଳୟ ପକ୍ଷରୁ ଏହି ଘୋଷଣା କରାଯାଇଥିବା ବେଳେ ଏହାର ପରିସରକୁ ୩୯୩.୮୭ ବର୍ଗ କିଲୋମିଟରକୁ ବୃଦ୍ଧି କରିଛନ୍ତି ।

ଏହିଜୋନ ୫ଶହ ମିଟରରୁ ୧୩.୧୫ କିଲୋମିଟର ପର୍ଯ୍ୟନ୍ତ ବଳବତ୍ତର ରହିବ । ଓଡିଶା ସରକାରଙ୍କ ତରଫରୁ ୨୦୧୬ ମସିହାରେ ଏହାକୁ ଟୁରିଷ୍ଟ ହବ ଭାବରେ ଘୋଷଣା କରାଯାଇଛି । ଏହି ଅଭୟାରଣ୍ୟରେ ୨ଶହରୁ ଅଧିକ ହାତୀ ବସବାସ କରୁଛନ୍ତି । ହାତୀମାନେ ଦୈନିକ ଖାଦ୍ୟ ପାଇଁ ୧୬ରୁ ୧୮ଘଣ୍ଟା ଚାଲିବା ସହିତ ଖାଦ୍ୟ ସଂଗ୍ରହ କରିଥାନ୍ତି ।ହାତୀ ମାନେ ଦୈନିକ ଦେଢ କ୍ୱିଣ୍ଟାଲରୁ ୧୬୯ କେଜି ଖାଦ୍ୟ ଭାବରେ ଗଛର ଫଳ,ପତ୍ର, ଛେଲି , ମୂଳ ଖାଇଥାନ୍ତି ।ଏହି ପାଣି ପାଇଁଦେନୌ କି ଜଳାଶୟ ନିକଟକୁ ଯାଇ ଏକାଥରକେ ୫୦ ଲିଟର ପାଣି ପିଇବା ସହିତ ୧୦ଲିଟର ପରିଶ୍ରା କରିଥାନ୍ତି ।

ହାତୀମାନେ କପିଳାସ ଅଭୟାରଣ୍ୟରେ ସୁରକ୍ଷିତ ଭାବରେ ରହିଥିବା ବେଳେ ୪ କିଲୋମିଟର ଦୂରରୁ ଅନ୍ୟହାତୀର କଥା ଜାଣିବା ସହିତ ୧୦ କିମି ଦୂରରୁ ଶ୍ରବଣ କରିପାରନ୍ତି । ମାଈ ହାତୀ ୧୪ ବର୍ଷ ବୟସରେ ଗର୍ଭଧାରଣ କରିବାପାଇଁ ସକ୍ଷମ ହେଉଥିବା ବେଳେ
ସର୍ବାଧିକ ୨୨ ମାସ ଗର୍ଭଧାରଣ କରି ଶାବକ ଜନ୍ମ ଦିଅନ୍ତି ।

ଦୂରରୁ ସର୍ବାଧିକ ୨୫ଫୁଟରୁ ସେମାନେ ଦେଖିପାରନ୍ତି ।ହାତୀଙ୍କ ସୁରକ୍ଷା ପାଇଁ ବନବିଭାଗ ବହୁ ପଦକ୍ଷେପ ଗ୍ରହଣ କରାଯାଇଛି । ଢେଙ୍କାନାଳ ବନଖଣ୍ଡରେ ହାତୀମାନଙ୍କ ପାଇଁ ରେଳ ଧାରଣା ପାର ହୋଇ ଯାତାୟତ କରିବା ସମସ୍ୟା ହେଉଛି ।

ଏହାକୁ ଦୃଷ୍ଟିରେରଖି ବନବିଭାଗ ତରଫରୁ ଏକ ହାତୀ ଓଭରପାସ ବା ଓଭରବ୍ରିଜ ନିର୍ମାଣ କରିବା ପାଇଁ ନିଷ୍ପତି ଗ୍ରହଣ କରାଯାଇଛି ।
ଏହି ଓଭରପାସ ଯୋରନ୍ଦା ରୋଡଏବଂ ରାଜଆଠଗଡ ମଧ୍ୟରେ ହେବ ବୋଲି ଜଣାପଡିଛି । ଏହି ଓଭରପାସ ୧ଶହ ମିଟର ଓସାର ହେବା ସହିତ କପିଳାସ ଅଭୟାରଣ୍ୟର ଦୁଇ ପାର୍ଶ୍ଵକୁ ସଂଯୋଗ କରିବା ସହିତ ହାତୀ ମାନଙ୍କ ଚଳପ୍ରଚଳ ପାଇଁ ସହଜ ହେବ । ଏହି ଓଭରପାସ ପାଇଁ ଗତ ୨୦୨୧ ମସିହା ଡିସେମ୍ବର ୩୧ ତାରିଖରେ ଜାତୀୟ ବଣ୍ୟପ୍ରାଣୀ ବୋର୍ଡର ବୈଠକ ହୋଇ ପରିବେଶ ମଞ୍ଜୁରୀ ପ୍ରଦାନ କରାଯାଇଛି । ଓଭରପାସ ପାଇଁ ସର୍ଭେ କାର୍ଯ୍ୟ ବି ଶେଷ ହୋଇଛି । ଫଳରେ ହାତୀମାନଙ୍କ ପାଇଁ ଖୁବ ଶିଘ୍ର ଓଭରପାସ
ନିର୍ମାଣ ସହିତ ହାତୀଙ୍କ ସୁରକ୍ଷା ବୃଦ୍ଧିପାଇବ ବୋଲି ବନବିଭାଗ ତରଫରୁ ପ୍ରକାଶ ।