ପାନୀୟ ଜଳ ଯୋଗାଣ ପାଇଁ ଦାବି ପତ୍ର

ଢେଙ୍କାନାଳ ମୁନିସିପାଲିଟିର ୱାର୍ଡ ନଂ ୧୯ ସିମିଳିଆ ଗୋପାଳ ସାହି, ଡ୍ରାଇଭର ସାହି ଏବଂ ଉପ୍ରା ବିଦ୍ୟାଳୟକୁ ତୁରନ୍ତ ପାନୀୟ ଜଳ ଯୋଗାଣ ପାଇଁ ଆମ୍ ଆଦମୀ ପାର୍ଟି ପକ୍ଷରୁ ଏକ ଦାବି ପତ୍ର ସହକାରୀ ନିର୍ବାହୀ ଯନ୍ତ୍ରୀ, ସହରାଞ୍ଚଳ ଜଳ ଯୋଗାଣ ବିଭାଗ କୁ ପ୍ରଦାନ କରାଯାଇଛି l ଦୀର୍ଘ ବର୍ଷ ହେଲା ଏହି ସାହି ଗୁଡିକରେ ଜଳ କ୍ଲୀଷ୍ଟ ଲାଗିରହିଛି l ଏପରିକି ସ୍ଥାନୀୟ ଉପ୍ରା ବିଦ୍ୟାଳୟରେ ମଧ୍ୟ ପାନୀୟ ଜଳ ବ୍ୟବସ୍ଥା ନାହିଁ l

ଯେଉଁ ନଳ କୂଅ ଟି ଅଛି ସେଥିରୁ ମଇଳା ଓ ତୈଳ ଯୁକ୍ତ ପାଣି ବାହାରୁଛି l ଅଭିଭାବକ ମାନେ ବାରମ୍ବାର ଏହାର କମ୍ପ୍ଲେନ କରିଆସୁଛନ୍ତି l ମାତ୍ର ବିଭାଗୀୟ କର୍ତୃପକ୍ଷ ଶୁଣିବାକୁ ପ୍ରସ୍ତୁତ ନୁହଁ l ପାନୀୟ ଜଳ ପାଇଁ ସରକାରଙ୍କର କୋଟି କୋଟି ଟଙ୍କାର ଯୋଜନା ହେଉଥିଲେ ମଧ୍ୟ ଲୋକ ମାନେ ପାଣି ପାଉନାହାନ୍ତି l ଏସମ୍ପର୍କରେ ଅଭିଭାବକ ଏବଂ ସ୍ଥାନୀୟ ଲୋକମାନେ ଆପ୍ ଜିଲ୍ଲା ଆବାହକ ପଙ୍କଜ ନାୟକ ଏବଂ ପୌରାଞ୍ଚଳ ସଭାପତି ପ୍ରଭାତ କୁମାର ବେହେରାଙ୍କୁ ଅବଗତ କରାଇଥିଲେ l

ତୁରନ୍ତ ପାନୀୟ ଜଳ ଯୋଗାଇ ଦେବାପାଇଁ ଦଳ ପକ୍ଷରୁ ଏକ ସ୍ମାରକ ପତ୍ର ପ୍ରଦାନ କରାଯାଇଛି l ତିନି ଦିନ ଭିତରେ ପାନୀୟ ଜଳ ଯୋଗାଇ ଦିଆଯିବ ବୋଲି ବିଭାଗୀୟ ଅଧିକାରୀ ପ୍ରତିଶୃତି ଦେଇଛନ୍ତି l ନଚେତ ଦଳ ତରଫରୁ ଆନ୍ଦୋଳନ କରାଯିବ l ଏହି କାର୍ଯ୍ୟକ୍ରମରେ ରଞ୍ଜନ ସାହୁ, ପୀତବାସ ବେହେରା, ପବିନ ବେହେରା, ପ୍ରଦ୍ୟୁମ୍ନ ନାଥ ପ୍ରମୁଖ ଉପସ୍ଥିତ ଥିଲେ l