ସତ୍ୟସାଇ ନିଳୟମ ପକ୍ଷରୁ ରକ୍ତଦାନ ଶିବିର

ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ସମ୍ମୁଖରେ ରହିଥିବା ଓଁ ଶ୍ରୀ ଶ୍ରୀ ସତ୍ୟସାଇ ନିଳୟମ ପ୍ରାଙ୍ଗଣରେ ଶନିବାର ଦିନ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି ।ନିଳୟମର କନଭେନର ବିକାଶ କୁମାର ନାୟକଙ୍କ ନେତୃତ୍ୱରେ ପରିଚାଳିତ ଶିବିରରେ ଜିଲ୍ଲା ସେବା କୋଡ଼ିନେଟର ବ୍ରଜବନ୍ଧୁ ଚିନାରା ମୁଖ୍ୟ ଅତିଥି ରୂପେ ଯୋଗଦେଇ ସାଇବାବାଙ୍କ ନିକଟରେ ଧୂପ ଦୀପ ପ୍ରଜ୍ବଳନ କରି ରକ୍ତଦାନ ଶିବିରକୁ ଆନୁଷ୍ଠାନିକ ଭାବେ ଶୁଭ ଉଦଘାଟନ କରିଥିଲେ ।

ଆୟୋଜିତ ଶିବିରରେ ଢେଙ୍କାନାଳ ଜିଲ୍ଲା ରେଡ଼କ୍ରସ ଶାଖାର ଡାକ୍ତର ପ୍ରେମାନନ୍ଦ ସାହୁ ଓ ଅନ୍ୟ ସହଯୋଗୀ କର୍ମଚାରୀ ଆସି ସ୍ଵେଚ୍ଛାକୃତ ରକ୍ତଦାତାଙ୍କ ଠାରୁ ୪୩ୟୁନିଟ ରକ୍ତ ସଂଗୃହୀତ କରିଥିଲେ ।ରକ୍ତଦାନ ମହତ୍ ଦାନ , ରକ୍ତଦାନ ମହାପୁନ୍ୟ ଅବସରରେ ନିଳୟମର ସମସ୍ତ ସଦସ୍ୟ ସଦସ୍ୟା ଉପସ୍ଥିତ ରହି ଶିବିରକୁ ସହଯୋଗ କରିଥିଲେ ।