ବ୍ରାହ୍ମଣୀ ରେ ବୁଡି ଛାତ୍ର ନିଖୋଜ ଘଟଣା ; ଉଦ୍ଧାର ହେଲା ଛାତ୍ରଙ୍କ ମୃତଦେହ

ଢେଙ୍କାନାଳ ଜିଲ୍ଲା ଗଁଦିଆ ଥାନା ଉର୍ଣ୍ଣକୋଟେଶ୍ଵର ନିକଟରେ ଏକ ଅଘଟଣ ଘଟିଯାଇଛି । ଆଜି ବ୍ରାହ୍ମଣୀ ନଦୀରେ ୩ଜଣ ନବମ ଶ୍ରେଣୀର ଛାତ୍ର ଗାଧୋଉଥିବା ବେଳେ ପାଣିର ସୁଅ ମୁହଁରେ ପଡି ଭାସି ଯାଇଥିଲେ । ସେମାନେ ଭାସି ଯାଉଥିବା ବେଳେ ନିକଟରେ ଥିବା ଲୋକମାନେ ସେମାନଙ୍କ ମଧ୍ୟରୁ ୨ ଜଣଙ୍କୁ ଉଦ୍ଧାର କରିଥିବା ବେଳେ ଜଣେ ହାତର ନିଖୋଜ ଥିଲେ ।

ନିଖୋଜ ଛାତ୍ର ଜଣଙ୍କ ନିକଟସ୍ଥ ନୂଆପଡ଼ା ଗ୍ରାମର ସୁଧାବିନ୍ଦୁ ବେହେରା ବୋଲି ଜଣାପଡିଛି।୩ ଛାତ୍ର ରାଧାଦେଇପୁର ଉଚ୍ଚବିଦ୍ୟାଳୟର ନବମ ଶ୍ରେଣୀର ଛାତ୍ର। ରବିବାର ଥିବାରୁ ସେମାନେ ସାଂଗ ହୋଇ ବ୍ରାହ୍ମଣୀ ନଦୀକୁ ଗାଧୋଇବା ପାଇଁ ଯାଇଥିଲେ । ଘଟଣାସ୍ଥଳରେ ଗଁଦିଆ ପୋଲିସ ପହଞ୍ଚିବା ସହିତ ଅଗ୍ନିଶ୍ରମ ବିଭାଗ ପହଞ୍ଚି ଖୋଜା ଖୋଜି ପରେ ନିଖୋଜ ଛାତ୍ରଙ୍କ ଆଜି ସନ୍ଧ୍ୟା ରେ କାଲୁରିଆ ଘାଟରୁ ମୃତଦେହ ଉଦ୍ଧାର ହୋଇଛି ।