କାର ବାଇକ ମୁହାଁମୁହିଁ ଧକ୍କା ; ଜଳିଗଲା ବାଇକ,୨ମୃତ ଜଣେ ଗୁରୁତର

ଢେଙ୍କାନାଳ ଜିଲ୍ଲା ଗଁଦିଆ ଥାନା ଅନ୍ତର୍ଗତ ଷୋରିସିଆପଦା ଗ୍ରାମ ପଞ୍ଚାୟତ ଅଧୀନ ଢୋଲ ପଥର ସନ୍ନିକଟ ରାସ୍ତାରେ ଆଜି ଏକ ମର୍ମତୁନ୍ତ ସଡକ ଦୁର୍ଘଟଣା ଘଟିଯାଇଛି ,ଏଥିରେ୨ଜଣ ଙ୍କର ମୃତ୍ୟୁ ହୋଇଥିବା ସ୍ଥଳେ ଅନ୍ୟ ଜଣେ ଯୁବତୀ ଗୁରୁତର ହୋଇ ଚିକିତ୍ସା ହେଉଛନ୍ତି ।

ସୂଚନା ଅନୁଯାୟୀ, ଆଜି ସକାଳ ସମୟ୧୦ରୁ୧୧ ଘଟିକା ମଧ୍ୟରେ ଏହି ଘଟଣା ଘଟିଛି ,ଉକ୍ତ ଷୋରିସିଆପଦା ପଞ୍ଚାୟତ ର ରଗଡି ସାହି ର ଯୁବତୀ ତୁଳସୀ ହେମ୍ବ୍ରମ, ପୁରୁ ନାଏକ ଓ ଭାଲୁଗୁଡା ଗ୍ରାମର ଲକ୍ଷ୍ମଣ ଭଦ୍ରା ଏକ ବାଇକ ଯୋଗେ ନିଜ ଗ୍ରାମରୁ ଟାଙ୍ଗି ଆଡେ ଯାଉଥିଲେ , ଠିକ ଢୋଲପଥର ନିକଟ ରାସ୍ତା ଉପରେ ଅପର ପାର୍ଶ୍ଵ ଟାଙ୍ଗି ଆଡୁ ଆସୁଥିବା ଏକ କାର ସହିତ ସିଧା ସଳଖ ଧକ୍କା ହୋଇଥିଲା ।

ଘଟଣା ସ୍ଥଳରେ ବାଇକଟି ସମ୍ପୂର୍ଣ୍ଣ ପୋଡି ଯାଇଥିବା ବେଳେ , ପୁରୁ ନାଏକ ଙ୍କର ମୃତ୍ୟୁ ଘଟିଥିଲା । ଗୁରୁତର ଯୁବତୀ ତୁଳସୀ ହେମ୍ବ୍ରମ ଓ ଲକ୍ଷ୍ମଣ ଭଦ୍ରା ଙ୍କୁ ଆମ୍ବୁଲାନ୍ସ ଯୋଗେ ସ୍ଥାନୀୟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଯାଇଥିଲା ,ପରେ ଅବସ୍ଥା ଗୁରୁତର ହେବାରୁ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନନ୍ତର କରାଯାଇଥିଲା ।ସେଠାରେ ଲକ୍ଷ୍ମଣ ଭଦ୍ରା ଙ୍କ ମୃତ୍ୟୁ ଘଟିଥିଲା । ପୋଲିସ କାର କୁ ଜବତ କରି ଥାନାକୁ ଆଣିଥିବା ବେଳେ ଘଟଣା ସ୍ଥଳରୁ କାର ଡ୍ରାଇଭର ଓ ଅନ୍ୟ ଜଣେ ଆରୋହି ଫେରାର ହୋଇଯାଇଛନ୍ତି ।