ଝିଅ ଘର ହେଲା ଜୀବନ ର ଶେଷ ଯାତ୍ରା

ପଥର ବୋଝେଇ ଟ୍ରକ ଏକ ବାଇକ ଉପରେ ମାଡିଯିବାରୁ , ଘଟଣାସ୍ଥଳରେ ଜଣେ ବାଇକ ଆରୋହୀଙ୍କର ମୃତ୍ୟୁ । ମୃତକ ବାଇକ ଆରୋହୀ ଜଣଙ୍କ ନରସିଂହପୁର ଅଂଚଳର ଯଦୁମଣି ପୁହାଣ ବୋଲି ଜଣାପଡ଼ିଛି । ଯଦୁମଣି ତାଙ୍କ ଝିଅଘର ସ୍ଥାନୀୟ ମାଣିପୁର ଗ୍ରାମକୁ ଯାଉଥିଲେ । ଏହି ସମୟରେ ସେ ଦୁର୍ଘଟଣା ର ଶିକାର ହୋଇଥିଲେ ।

ଯାହାକୁ ନେଇ ଦେଓପଡା ଗ୍ରାମବାସୀଙ୍କ ପକ୍ଷରୁ ଉତ୍ତେଜନା ପ୍ରକାଶ ପାଇଥିଲା । ଏପରିକି ତୁରନ୍ତ ଟ୍ରକକୁ ଧରିବା ଓ ଡ୍ରାଇଭରକୁ ଗିରଫ କରିବା ଦାବିରେ ଦେଓପଡା ଠାରେ ରାସ୍ତାରେ ପଥର ଥୋଇ ଗୋବିନ୍ଦପୁର ଓ ଆଠଗଡ଼ ମୁଖ୍ୟ ରାସ୍ତାକୁ ଅବରୋଧ କରିଥିଲେ ଲୋକେ । ଖବର ପାଇ ସଦର ଥାନା ଅନ୍ତର୍ଗତ ଗୋବିନ୍ଦପୁର ଫାଣ୍ଡି ପୋଲିସ ପହଂଚି ଲୋକଙ୍କୁ ବୁଝାସୁଝା କରିବା ପରେ ରାସ୍ତା ରୋକ ହଟିଥିଲା ।