ବୟସ ହଜିଛି ଅୟସ ହଜିଛି
ଧନ ବି ଯାଇଛି ହଜି
କୃତ କର୍ମର ଫଳ ମୁଁ ଭୋଗୁଛି
ହାରି ହାରି ଯାଏ ଆଜି
ସମ୍ପର୍କ ହଜିଛି ବିବେକ ହଜିଛି
ମନ ବି ଯାଇଛି ହଜି
ଆକାଶକୁ ଚାହିଁ ଆଶଙ୍କା ରେ ଝୁରେ
ଲୁହେ ଲୁହେ ଯାଏ ଭିଜି
ଯୌବନ ହଜିଛି ସପନ ହଜିଛି
ନିଦ ବି ଯାଇଛି ହଜି
ଦିନ ରାତି ମୋର ବିତି ତ ଯାଉଛି
ଅତୀତ କୁ ହେଜି ହେଜି
କଥାତ ହଜିଛି ଶପଥ ହଜିଛି
ଚିନ୍ତା ବି ଯାଇଛି ହଜି
ଚାହିଁଲେ ପାଏନି ଇଚ୍ଛାରେ ଯିବାକୁ
ପଥ ଏକ ଖୋଜି ଖୋଜି
ସାହସ ହଜିଛି ପ୍ରୟାସ ହଜିଛି
ଆଶା ବି ଯାଇଛି ହଜି
ବଞ୍ଚିବାର ମୋହ ମରି ମରି ଯାଏ
ଅନ୍ଧକାରେ ଭିଜି ଭିଜି
ଲୋଭ, ସ୍ୱାର୍ଥ, ହିଂସା, ରାଗ, ଛଳ, ମାନ
ସବୁ ହଜାଇଲା ପରେ
କଲମକୁ ସାମ୍ନା କରେ
ଲଢ଼ିଛି, ଲଢ଼ୁଛି ମୁଁ ଆଜି
ଲଢ଼ିବି ନିର୍ବିକାରେ.!!!!
✍️ଏଲୀ ଦାସ