ଦନ୍ତା ଆକ୍ରମଣରେ ବୃଦ୍ଧ ଗୁରୁତର ଆହତ

ଢେଙ୍କାନାଳ ଜିଲ୍ଲା ପରଜଙ୍ଗ ବ୍ଲକ ଡମୋଳ ଗ୍ରାମରେ ବୁଧବାର ଭୋର ସମୟରେ ଜଣେ ଜନୈକ ବ୍ୟକ୍ତି ଦନ୍ତା ଆକ୍ରମଣରେ ଶିକାର ହୋଇ ଗୁରୁତର ଆହତ ହୋଇଛନ୍ତି ।ମହାବିରୋଡ ରେଞ୍ଜ ଅଧୀନସ୍ଥ ଡିହଡୋଳ ଫରେଷ୍ଟ ସେକ୍ସନ ଡମୋଳ ଗ୍ରାମର ବିଜୟ ନାୟକ ୬୩ବର୍ଷ ବୟସ୍କ ବ୍ୟକ୍ତି ଗାଁ ପାଖ ପଡିଆକୁ ଝାଡା ଯାଉଥିବା ସମୟରେ ଏକ ଦନ୍ତାର ଶିକାର ହୋଇଥିଲେ ।

ଗାଁର ଅନ୍ୟ ଲୋକ ମାନେ ଏହି ସମୟରେ ଯାଉଥିବା ବେଳେ ଦନ୍ତାର ଆକ୍ରମଣ ଦେଖି ହୋହାଲ୍ଲା କରିବା ସହ ଗାଁ ଲୋକ ପାଟି ଶୁଣି ଧାଇଁଆସି ଦନ୍ତାକୁ ସେଠାରୁ ନିକଟସ୍ଥ ଜଙ୍ଗଲକୁ ତଡି ଦେଇଥିଲେ ।କ୍ଷତାକ୍ତ ଅବସ୍ଥାରେ ବିଜୟକୁ ଉଦ୍ଧାର କରିବା ସହ ବନ ବିଭାଗକୁ ଜଣାଇଥିଲେ ।

ସେଠାରେ ବନ ବିଭାଗ କର୍ମଚାରୀ ଓ ହାତୀ ସ୍କ୍ୱାର୍ଡ ପହଞ୍ଚି ବିଜୟଙ୍କୁ ପ୍ରଥମେ ପରଜଙ୍ଗ ମେଡ଼ିକାଲକୁ ଆଣି ଥିଲେ କିନ୍ତୁ ଅବସ୍ଥା ସଙ୍କଟାପନ୍ନ ଥିବାରୁ ସଙ୍ଗେ ସଙ୍ଗେ ତାଳଚେର ମେଡ଼ିକାଲକୁ ସ୍ଥାନାନ୍ତର କରାଯାଇଥିବା ଜଣାପଡିଛି ।