ଢେଙ୍କାନାଳ ଜିଲ୍ଲା ସଦର ଥାନା ମଙ୍ଗଳପୁର ପାଞ୍ଚକାହାଣିଆ ଗ୍ରାମର ଜଣେ ନାବାଳକ ଗତ ୮ ଦିନ ହେବ ନିଖୋଜ ହୋଇଯାଇଛି । ପରିବାର ତରଫରୁ ସଦର ଥାନାରେ ୮ ଦିନ ହେବ ଅଭିଯୋଗକରାଯାଇଥିବା ବେଳେ ପୋଲିସ କୌଣସି ପଦକ୍ଷେପ ନନେବାରୁ ଗ୍ରାମବାସୀ ମାନେ ଏସପିଙ୍କ ଦ୍ୱାରସ୍ଥ ହୋଇଛନ୍ତି ।
ମଙ୍ଗଳପୁର ପାଞ୍ଚକାହଣିଆ ଗ୍ରାମର ଅଶୋକ ବେହେରାଙ୍କ ଅଭିଯୋଗ ଅନୁସାରେ ଗତ୧୪ ତାରିଖଦିନ ତାଙ୍କ ପୁଅ ଅରବିନ୍ଦ ବେହେରା(୧୧) ଘରୁ କେଉଁଆଡେ ନିଖୋଜ ହୋଇଯାଇଛି । ପରିବାର ତରଫରୁବିଭିନ୍ନ ସ୍ଥାନ ଖୋଜିବା ପରେ ଅରବିନ୍ଦର କୌଣସି ସନ୍ଧାନ ନପାଇବାରୁ ଗତ ୧୫ ତାରିଖ ଦିନ ସଦର ଥାନାରେ ଲିଖିତ ଭାବରେ ଅଭିଯୋଗ କରିଥିଲେ । ସଦର ପୋଲିସ ତରଫରୁ ଅଭିଯୋଗର ୮ ଦିନ ପରେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନଥିବାର ପରିବାର ବର୍ଗ ଅଭିଯୋଗ କରିଛନ୍ତି ।
ଫଳରେ ଗୁରୁବାର ଦିନ ଗ୍ରାମବାସୀ ପରିବାର ବର୍ଗସହିତ ଏସପିଙ୍କୁ ଲି୍ଖିତ ଭାବରେ ଅଭିଯୋଗ କରିବା ସହିତ ଅରବିନ୍ଦଙ୍କୁ ଫେରାଇ ଆଣିବାକୁ ନିବେଦନ କରିଛନ୍ତି ।