ଠାକୁରଙ୍କ ପାଦଦେଶ

ଉତ୍କଳ ଏକ ଶ୍ରୀ ଜଗନ୍ନାଥଙ୍କ
    ଆଶୀର୍ବାଦ ପୁଷ୍ଟ ଭୂମି
ସରଗ ସମାନ ଗରିମା ମହାନ
    ତାଙ୍କ ଶ୍ରୀ ଚରଣ ଚୁମ୍ବି ।

ପ୍ରତି ଧୂଳିକଣା ନିର୍ଭେଜାଲ ସୁନା
      ପ୍ରଭୁଙ୍କ ଲୀଳା କ୍ଷେତ୍ର
ଗଗନେ ପବନେ ଧୂପ ଓ ଝୁଣାର
   ସୁଗନ୍ଧ ଅହୋରାତ୍ର।
ବେଦ ମନ୍ତ୍ର ଗାୟତ୍ରୀ ଛନ୍ଦ
   ଗୀତାର ଅମୃତ ବାଣୀ
ନୀରବ ଧ୍ୟାନରେ ବାଜଇ କାନରେ
   ଗୁରୁ ଗମ୍ଭୀର ଧ୍ବନି।

ଏ ହେଲା ପ୍ରାଚୀନ କଳିଙ୍ଗ ପ୍ରଦେଶ
   ଏଇ ଠାକୁରଙ୍କ ଦେଶେ
ପ୍ରଭୁ ନାରାୟଣ ଦିଏ ଦରଶନ
   ନାନା ରୂପେ ନାନା ବେଶେ।
ଦୂର୍ଲଭ ସର୍ବ ମାନବ ଜୀବନ
  ଜନମ ଏ ଉତ୍କଳେ
ଭୂମିଷ୍ଠ ଠାରୁ ବଞ୍ଚିଥିବା ଯାଏ
  ପ୍ରଭୁଙ୍କ ପାଦତଳେ।।

✍️ଅରୁଣ କୁମାର ମିତ୍ର