ମହିଳାଙ୍କ ମୃତଦେହ ଉଦ୍ଧାର ,ହତ୍ୟା ଅଭିଯୋଗ ଆଣିଲେ ଭାଉଜ

କଙ୍କଡାହାଡ଼ ଥାନା ମରୁଆବିଲ ପଞ୍ଚାୟତ କମ୍ପୁଲେଇ ଗ୍ରାମର ମିନି ନାଏକ(୪୫) ମୃତ ଦେହ ଉଦ୍ଧାର ।ଗତକାଲି ଠାରୁ ମିନି ନାଏକ ନିଖୋଜ ଥିଲେ ,ଆଜି ତାଙ୍କ ମୃତଦେହ କମ୍ପୁଲେଇ ଗ୍ରାମ୍ୟ ଜଙ୍ଗଲରେ ପୋତା ଯାଇଥିଲା ।

ଖବର ପାଇ କଙ୍କଡାହାଡ଼ ପୋଲିସ,ଢେଙ୍କାନାଳ ସାଇଣ୍ଟିଫିକ ଟିମ ଘଟଣା ସ୍ଥଳରେ ପହଞ୍ଚି କଙ୍କଡାହାଡ଼ ତହସିଲଦାର ରବୀନ୍ଦ୍ର ସାମଲଙ୍କ ଉପସ୍ଥିତରେ ଶବ ଉଦ୍ଧାର କରାଯାଇଥିଲା ।

ଶବ ବ୍ୟବଛେଦ କରିବା ପାଇଁ କାମାକ୍ଷାନଗର ଉପଖଣ୍ଡ ମେଡ଼ିକାଲ କୁ ପଠାଯାଇଛି ।ଏ ସମ୍ପର୍କରେ କଙ୍କଡାହାଡ଼ ଥାନା ଅଧିକାରିଣୀ ନିର୍ମଳା ଗୋଛାୟତ କହିଛନ୍ତି ମୃତ ମିନି ନାଏକଙ୍କ ଭାଉଜ ଅଖୁଜି ନାଏକ ଆଜି ଅପରାହ୍ନ ୨ ଟା ସମୟରେ କଙ୍କଡାହାଡ଼ ଥାନାରେ ଅଭିଯୋଗ କରିଛନ୍ତି ତାଙ୍କ ନଣନ୍ଦଙ୍କୁ ହତ୍ୟା କରାଯାଇଛି ।ଏ ସମ୍ପର୍କରେ କଙ୍କଡାହାଡ଼ ଥାନା ପୋଲିସ ଘଟଣାର ଅଧିକ ତଦନ୍ତ ଜାରି ରଖିଛି ।