ଢେଙ୍କାନାଳ ପୌରସଂସ୍ଥା ଅନ୍ତର୍ଗତ ୧୨ ନମ୍ବର ୱାର୍ଡରେ ବିଦେଶୀ ମଦ ଦୋକାନକୁ ୱାର୍ଡ ବାସୀ ବାସିନ୍ଦା ମାନେ ତୀବ୍ର ବିରୋଧ କରିଛନ୍ତି ।ଏ ସଂକ୍ରାନ୍ତରେ ଏକ ଦାବିପତ୍ର ଜିଲ୍ଲାପାଳଙ୍କୁ ପ୍ରଦାନ କରିଥିବାର ଜଣାପଡିଛି ।
ପୌରସଂସ୍ଥା ଅନ୍ତର୍ଗତ ୧୨ ନମ୍ବର ୱାର୍ଡ ମୀନା ବଜାରରେ ଏକ ବିଦେଶୀ ମଦ ଦୋକାନ ରହିଛି । ସ୍ଥାନୀୟ ଲୋକମାନଙ୍କ ପ୍ରବଳ ବିରୋଧ ସତ୍ତ୍ୱେ ଅବକାରୀ ବିଭାଗ ତରଫରୁ ଏହି ମଦ ଦୋକାନ ଚାଲୁରହିଥିବା ବେଳେ୨୫୮୪/୧୪.୧୧.୨୨ରେ ମଦ ଦୋକାନ ଲାଇସେନ୍ସ ନବୀକରଣ ପାଇଁ ସାଧାରଣ ଲୋକଙ୍କ ଠାରୁ ଆପତ୍ତି ଅଭିଯୋଗ ଗ୍ରହଣ କରାଯାଉଛି ।
ମୀନା ବଜାରରେ ଥିବା ଵିଷ୍ଣୁ ଚରଣ ସାହୁଙ୍କର ମଦ ଦୋକାନ ଯୋଗୁ ବିଭିନ୍ନ ପ୍ରକାର ସମସ୍ୟା ସୃଷ୍ଟି ହେଉଛି । ଏକ ଜନଗହଳି ସ୍ଥାନରେ ମଦ ଦୋକାନ ହୋଇଥିବା ବେଳେ ମଦ ଦୋକାନ ନିକଟରେ ତାରିଣୀ ମନ୍ଦିର,ରାଧାକୃଷ୍ଣ ମନ୍ଦିର,ଲକ୍ଷ୍ମୀ ମନ୍ଦିର,ଜଗନ୍ନାଥ ମନ୍ଦିର ସହିତ
ସେ ଜାଭିୟର ବିଦ୍ୟାଳୟ,ସରକାରୀ ବାଳିକା ବିଦ୍ୟାଳୟ ରହିଛି । ଫଳରେ ଏହି ମଦ କୋଦାନକୁ ସ୍ଥାନୀୟ ବାସୀନ୍ଦା ମାନେ
ତିବ୍ର ବିରୋଧ କରୁଥିଲେ ମଧ୍ୟ ଏହାକୁ ବନ୍ଦ କରାଯାଉ ନାହିଁ ।
ଏହି ରାସ୍ତାଦେଇ ଯାଉଥିବା ଛାତ୍ରଛାତ୍ରୀ,ମହିଳା ମାନେ ଅନେକସମୟରେ ମଦ୍ୟପ ମାନଙ୍କର ଉତ୍ପାତରେ ଅତିଷ୍ଠ ହେଉଛନ୍ତି । ସନ୍ଧ୍ୟା ସମୟରେ ରାସ୍ତାରେ ଯାତାୟତ କରିବା ମଧ୍ୟ କଷ୍ଟକର ହୋଇପଡୁଛି । ଦୋକାନ ସମ୍ମୁଖରେ ମଦ୍ୟପ ଏବଂ ଅସାମାଜିକ ବ୍ୟକ୍ତି ମାନଙ୍କର ଆଡା ଜମିବା ସହିତ ଅସାମାଜିକ କାର୍ଯ୍ୟକଳାପ ହେଉଛି ।
ଏହାକୁ ବିରୋଧ କରି ୧୨ ନମ୍ବର ୱାର୍ଡରେ ଥିବା ମଦ ଦୋକାନକୁ ଅନ୍ୟତ୍ର ସ୍ଥାନାନ୍ତର କରିବାକୁ ଦାବି ହୋଇଛି । ଏହାକୁ ନେଇ ସ୍ମିତା ପ୍ରୀୟଦର୍ଶିନୀ ଷଢଙ୍ଗୀ,ମମତା ଦଳେଇ,ରାଜଶ୍ରୀ ଦଳେଇ,ଶ୍ୟାମପ୍ରସାଦ ଦାଶ,ଦେବବ୍ରତ ପଟ୍ଟନାୟକ,ପାର୍ଥ ସାରଥୀ ମହକଡୁ ଙ୍କ ସହିତ ଅନ୍ୟମାନେ ଏକ ଦାବିପତ୍ର ଜିଲ୍ଲାପାଳଙ୍କୁ ପ୍ରଦାନ କରିଛନ୍ତି ।