ପୃଥକ ପୃଥକ ସଡ଼କ ଦୁର୍ଘଟଣା ରେ ଜଣେ ମୃତ ୩ ଗୁରୁତର

ଗୁରୁବାର ଦିନ ଢେଙ୍କାନାଳ ଜିଲ୍ଲାର ପୃଥକ ପୃଥକ ସ୍ଥାନରେ ସଡ଼କ ଦୁର୍ଘଟଣା ଘଟି ଜଣେ ମୃତ ୩ ଗୁରୁତର ହୋଇ ଢେଙ୍କାନାଳ ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି ।

ସଦର ଥାନା ଅନ୍ତର୍ଗତ ହରେକୃଷ୍ଣପୁର ଗ୍ରାମର ଦିଲୀପ ନାୟକ ତାଙ୍କ ପତ୍ନୀଙ୍କ ମୃତ୍ୟୁ ଖବର ପାଇ ଗଁଦିଆରୁ ବାଇକ ଯୋଗେ ଗ୍ରାମର ଜଣେ ସାଙ୍ଗ ହେମନ୍ତ ବେହେରାଙ୍କୁ ନେଇ ଗାଁକୁ ଫେରୁଥିବା ସମୟରେ ବିଶ୍ୱନାଥପୁର ନିକଟରେ ଭାରସାମ୍ୟ ହରାଇ ରାସ୍ତା ପାର୍ଶ୍ଵ ଏକ ଗଛରେ ତାଙ୍କ ବାଇକ ଧକ୍କା ହୋଇଥିଲା ।

ଘଟଣାସ୍ଥଳରେ ଦିଲୀପ ନାୟକଙ୍କର ମୃତ୍ୟୁ ଘଟିଥିବା ବେଳେ ତାଙ୍କ ସାଙ୍ଗ ହେମନ୍ତ ବେହେରା ଗୁରୁତର ହୋଇଥିଲେ । ଗୁରୁତର ହେମନ୍ତଙ୍କୁ ଚିକିତ୍ସା ପାଇଁ ୧୦୮ଆମ୍ବୁଲାନ୍ସ ଯୋଗେ ଢେଙ୍କାନାଳ ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି ।

ସେହିପରି ଢେଙ୍କାନାଳ ଜିଲ୍ଲା ଓଡ଼।ପଡ଼ା ବ୍ଳକ୍ ବୁଢ଼ାପଙ୍କ ଗାଁ ନିକଟରେ ଗାଁ ର ଶିପୁନ ଦାଶ ଏକ ବାଇକ୍ ଯୋଗେ ଅସୁଥିବା ବେଳେ ସଡ଼କ ଦୁର୍ଘଟଣାର ଶିକାର ହୋଇଛନ୍ତି । ତାଙ୍କୁ ପ୍ରଥମେ ଓଡ଼।ପଡ଼ା ପରେ ଢେଙ୍କାନାଳ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।

ଅନ୍ୟପଟେ ସଦର ଥାନା ନିକଟ ବର୍ତ୍ତି ଏକ ଢ଼ାବା ନିକଟରେ ଵମ୍ପା ଗ୍ରାମର ଜଣେ ଯୁବକ କ୍ରିକେଟ ମ୍ୟାଚ ଖେଳି ଫେରୁଥିବା ସମୟରେ ସଡ଼କ ଦୁର୍ଘଟଣା ର ଶିକାର ହୋଇଛନ୍ତି ।ଆହତ ଜଣଙ୍କ ଶ୍ରୀବତ୍ସ ସାମଲ ବୋଲି ସୂଚନା ,ତାଙ୍କୁ ପୋଲିସ ଦ୍ୱାରା ଢେଙ୍କାନାଳ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।