ସଡ଼କ ଦୁର୍ଘଟଣା ରେ ଭାଇ ମୃତ, ସାନଭଉଣୀ ଗୁରୁତର

ନାଲକୋ ନଗର ଥାନା ଅନ୍ତର୍ଗତ ୫୫ଜାତୀୟ ରାଜପଥ କାଣ୍ଡସର ସ୍କୁଲ ସାହି ନିକଟରେ ଟ୍ରକ ବାଇକ ଦୁର୍ଘଟଣା ରେ ଭାଇ ମୃତ୍ୟୁ ସାନ ଭଉଣୀ ଗୁରୁତ୍ୱର ଆହତ।ମିଳିଥିବା ସୂଚନା ଅନୁଯାୟୀ ଢେଙ୍କାନାଳ ଜିଲ୍ଲା ପରଜଙ୍ଗ ବ୍ଲକ ଅନ୍ତର୍ଗତ କୁଲେଇ ଗ୍ରାମର ଅନ୍ତର ଭୁତିଆ ଙ୍କ ପୁଅ ଅନିଲ ଭୁତିଆ (୧୯) ଏବଂ ଝିଅ ଅର୍ଚିତା ଭୁତିଆ (୧୪) ବାଇକ୍ OR 19 J 5816 ଯୋଗେ ଅନୁଗୋଳ ବ୍ଲକ ର ଚନ୍ଦ୍ର ବାହାଲ ମାମୁଁ ଘରକୁ ଯାଉଥିବା ବେଳେ କାଣ୍ଡସର ସ୍କୁଲ ସାହି ଠାରେ ବାଇକ୍ ଟି ଭାରସ୍ୟାମ ହରାଇ ଖସି ପଡିବାରୁ ଏକ ହ୍ବାଇବା ଟ୍ରକ ଓ ଡି ୧୯ସି ୫୨୪୮ଗାଡ଼ିଟି ଅନୀଲଙ୍କ ଉପରେ ଚଢି ଯିବା ଫଳରେ ଘଟଣା ସ୍ଥଳରେ ଅନିଲ ଙ୍କ ମୃତ୍ୟୁ ହୋଇଥିଲା।

ଗୁରୁତର ଅବସ୍ଥାରେ ସାନ ଭଉଣୀ ଅର୍ଚିତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନୀୟ ଲୋକଙ୍କ ସହଯୋଗ ରେ ପଠେଇ ଦେଇଥିଲେ। ଅର୍ଚିତା ଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ କଟକ ସ୍ଥାନାନ୍ତର କରାଯାଇଛି। ଘଟଣା ସ୍ଥଳରେ ପୋଲିସ ପହଁଚି ତଦନ୍ତ କରୁଥିବା ବେଳେ ଅନିଲ ଙ୍କ ଶବ କୁ ବ୍ୟବଚ୍ଛେଦ ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟ ପଠେଇ ଦେଇଛନ୍ତି। ଏହି ଘଟଣା ବାବଦରେ ଅନ୍ତର ଭୁତିଆ ଥାନାରେ ଲିଖିତ ଅଭିଯୋଗ କରିଛନ୍ତି।

ଶବ ବ୍ୟବଚ୍ଛେଦ ପରେ ପରିବାର ବର୍ଗଙ୍କୁ ହସ୍ତାନ୍ତର କରାଯିବ ନେଇ ପୁଲିସ ପକ୍ଷରୁ ସୂଚନା ମିଳିଛି। ଦୁର୍ଘଟଣା ପରେ ସ୍ଥାନୀୟ ଜନସାଧାରଣ ଆନ୍ଦୋଳନ କରିଥିବା ବେଳେ, ପୁଲିସ ଆସି ଆନ୍ଦୋଳନ କାରୀଙ୍କୁ ବୁଝା ସୁଝା ପରେ ଆନ୍ଦୋଳନ ପ୍ରତ୍ୟାହୃତ ହୋଇଥିଲା । ଏ ନେଇ ୫୪ ନଂ ଜାତୀୟ ରାଜପଥ ଅଧଘଣ୍ଟା ଧରି ଗାଡ଼ି ଚଳାଚଳ ବନ୍ଦ ହୋଇଥିଲା।