ମାମୁଁ ଘର ହେଲା ଶେଷ ଯାତ୍ରା ; ଘରକୁ ଫେରୁଥିବା ବେଳେ ଚାପିଦେଲା ଟ୍ରକ,ନାବାଳକ ମୃତ

ଢେଙ୍କାନାଳ ସଦର ଥାନା ଅନ୍ତର୍ଗତ ୫୫ନଂ ଜାତୀୟ ରାଜପଥ ପଞ୍ଚୁପଟି କେନାଲ ବ୍ରିଜ ଉପରେ ଆଜି ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ଜଣେ ନାବାଳକର ମୃତ୍ୟୁ ଘଟିଥିବା ବେଳେ ୨ଜଣ ଆହତ ହୋଇଛନ୍ତି । ମୃତ ନାବାଳକ ହେଲେ ସଦର କାଇମାଟି ନିକଟସ୍ଥ ଅସନ ପାଟିଆ ଗ୍ରାମର ଶୁୁଭମ ଦାସ (୧୨) , ଆହତ ୨ଜଣ ମୃତକଙ୍କ ମାମୁଁ ରାଜେଶ ଦାସ ଏବଂ ମା ସତ୍ୟଭାମା ଦାସ ।

ସୂଚନା ଅନୁଯାୟୀ , ଶୁଭମ ଏବଂ ତାଙ୍କ ମା ବଉଳପୁର ନିଜ ମାମୁଁ ଘରକୁ ଯାଇଥିଲେ ।ମାମୁଁ ଘରୁ ଆଜି ବାଇକ୍ ଯୋଗେ ମାମୁଁ ଓ ମା ଙ୍କ ସାଙ୍ଗରେ ନିଜଘରୁକୁ ଫେରୁଥିବା ସମୟରେ ପଞ୍ଚୁପଟି କେନାଲ ବ୍ରିଜ ଉପରେ ବାଇକ୍ ଟି ଭାରସ୍ୟାମ ହରାଇ ପଡିଯାଇଥିଲା ,ଠିକ୍ ଏହି ସମୟରେ ଅନୁଗୋଳ ରୁ ଆସୁଥିବା ଏକ ଟ୍ରକ ବାଇକ୍ ଉପରେ ଚଢ଼ି ଯାଇଥିଲା । ଯାହା ଫଳରେ ଘଟଣା ସ୍ଥଳରେ ଶୁଭମ ଙ୍କ ମୃତ୍ୟୁ ଘଟିଥିବା ବେଳେ ତାଙ୍କ ମାମୁଁ ଏବଂ ମା ଆହତ ହୋଇଛନ୍ତି ।

ଦୁର୍ଘଟଣା ପରେ କିଛି ସମୟପାଇଁ ସେହି ଅଞ୍ଚଳରେ ରାସ୍ତା ରୋକ କରାଯାଇଥିଲା , ପରେ ସଦର ପୋଲିସ ପହଁଚି ଲୋକଙ୍କୁ ବୁଝାସୁଝା କରିବା ସହ ମୃତ ନାବାଳକର ଶବ କୁ ଜବତ କରି ବ୍ୟବଛେଦ ପାଇଁ ପଠାଇବା ସହ ଆହତ ୨ଜଣ ଙ୍କୁ ଢେଙ୍କାନାଳ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।

ସୂଚନା ଥାଉକି, ଏହି ରାସ୍ତାଟି ଅତ୍ୟନ୍ତ ଖରାପ ହେତୁ ଏହି ଅଞ୍ଚଳରେ ଅନେକ ସମୟରେ ଦୁର୍ଘଟଣା ହେଉଛି । ଅନେକ ଥର ଅଭିଯୋଗ ପରେ ମଧ୍ୟ ଏହି ରାସ୍ତାଟିର ମରାମତି ପାଇଁ ପ୍ରଶାସନ ର ନିଫ ଭାଙ୍ଗୁନି ।