ବାତ୍ୟା “ୟସ” ପାଇଁ ଢେଙ୍କାନାଳ ଅଗ୍ନିଶମ ସେବା ଦ୍ୱାରା ପୂର୍ବ ପ୍ରସ୍ତୁତି

ବଙ୍ଗୋପସାଗର ରେ ସୃଷ୍ଟି ହୋଇଥିବା ସାଇକ୍ଲୋନିକ ଷ୍ଟର୍ମ “ୟସ” ଆସନ୍ତା ୨୬ ତାରିଖ ଦିନ ଲ୍ୟାଣ୍ଡ ଫଲ ହେବାକୁ ଥିବା ସମୟରେ ରାଜ୍ୟ ସରକାରଙ୍କ ତରଫରୁ ବ୍ୟାପକ ପୂର୍ବପ୍ରସ୍ତୁତି ଆରମ୍ଭ ହୋଇଯାଇଛି ।

ସେହିଭଳି ଭାବେ ଢେଙ୍କାନାଲ ଜିଲ୍ଳାର ଅଗ୍ନିଶମ ସେବା ବାହିନୀ ତରଫରୁ ମଧ୍ୟ ଅନେକ ପଦକ୍ଷେପ ଗ୍ରହଣ କରାଯାଇଛି । ଢେଙ୍କାନାଳ ରେ ୧୧ଟି ଟିମ ଗଠନ କରାଯାଇଥିବା ବେଳେ ପ୍ରତ୍ୟେକ ଟିମରେ ୩ ଜଣ ଅଗ୍ନିଶ୍ରମ କର୍ମଚାରୀଙ୍କୁ ନିଯୁକ୍ତି ଦିଆଯିବା ସହ ଗୋଟିଏ ଗାଡ଼ି, ବିଭିନ୍ନ ପ୍ରକାରର ଗଛ କଟା କଟର, ଏବଂ ଅନ୍ୟାନ୍ୟ ଜିନିଷ ପତ୍ର ଆଲଟ କରାଯାଇଛି ବୋଲି ଆସିଷ୍ଟାଣ୍ଟ ଫାୟାର ଅଫିସର ଉମାକାନ୍ତ ନାୟକ ସୂଚନା ଦେଇଛନ୍ତି ।

ସେହିଭଳି ଏକ ସ୍ପେସିଆଲ ୭ ଜଣିଆ ଟିମ ଢେଙ୍କାନାଳରୁ ଯାଜପୁର ଅଭିମୁଖେ ଯିବାପାଇଁ ପ୍ରସ୍ତୁତ କରାଯାଇଛି ,ଯେଉଁମାନେ କି ବାତ୍ୟା ପରେ ଉଦ୍ଧାର କାର୍ଯ୍ୟ ପାଇଁ ସମ୍ପୂର୍ଣ୍ଣ ଆଲର୍ଟ କରାଯାଇଛି ।