ମୋଟରସାଇକେଲ ଲୁଟେରା ଗିରଫ ;୩ ମୋଟର ସାଇକେଲ ଉଦ୍ଧାର

ଢେଙ୍କାନାଳ ଟାଉନ ଥାନା ଅନ୍ତର୍ଗତ ଷ୍ଟେସନ ବଜାର ଠାରେ ରିଲାଏନ୍ସ ପେଟ୍ରୋଲ ପମ୍ପ ନିକଟରୁ ଚୋରୀ ଯାଇଥିବା ଏକ ମୋଟର ସାଇକେଲର ତଦନ୍ତ କରି ପୋଲିସ ଲୁଟେରା ସହିତ ୩ ଟି
ମୋଟର ସାଇକେଲ ଉଦ୍ଧାର କରିଥିବାର ଜଣାପଡିଛି ।
ଡିସେମ୍ବର ମାସ ୧୮ ତାରିଖ ଦିନ ଷ୍ଟେସନ ବଜାର ଠାରେ ଥିବା ରିଲାଏନ୍ସ ପେଟ୍ରୋଲପମ୍ପ ନିକଟରୁ ସଦର ଥାନା ଅନ୍ତର୍ଗତ କୃଷ୍ଣକୁମାରପୁର ଗ୍ରାମର କୁମତ ସାମଲଙ୍କ ଏକ ମୋଟର ସାଇକେଲ ନଂ ଓଡି୦୬ଏଫ୩୪୭୯ ଚୋରୀ ଯାଇଥିଲା ।

ଏହି ଚୋରୀ ନେଇ ଥାନାରେ ଅଭିଯୋଗ କରାଯିବା ପରେ
ପୋଲିସ ୫୩୨/୨୧ରେ ଏକ ମାମଲା ରଜ୍ଜୁ କରି ତଦନ୍ତ ଚଳାଇଥିଲା । ଏହି ଘଟଣାରେ ପୋଲିସ କୌଣସି ସୂତ୍ରରୁ ଖବର ପାଇ କଟକ ଜିଲ୍ଳା ଖୁଣ୍ଟୁଣି ଥାନା ଖଣ୍ଡବନ୍ଧ ଗ୍ରାମରେ ଚଢାଉ କରି ଅଭିଯୁକ୍ତକୁ
ଗିରଫ କରିଥିଲେ ।

ଜେରା ସମୟରେ ଅଭିଯୁକ୍ତ ଜଣକ ମୋଟର ସାଇକେଲ ଚୋରୀ କରିଥିବା ସ୍ୱିକାର କରିବା ସହିତ ତାଠାରୁ ଏକ ନୋକିଆ ମୋବାଇଲଫୋନ ସହିତ ଗୋଟିଏ ହୋଣ୍ଡାସିଡି ୧୧୦ ଡ୍ରିମ
ମୋଟର ସାଇକେଲ ନଂ ଓଡି୦୬ଏଫ୩୪୭୯,ଗୋଟିଏ ହୋଣ୍ଡା ମୋଟର ସାଇକେଲ ନଂ ଓଆର୧୯ଏଫ୨୪୪୭ ଏବଂ ଗୋଟିଏ ହୋଣ୍ଡାସିବିହରନେଟ ମୋଟର ସାଇକେଲ ନଂ ଓଡି୦୫ଏଡି୮୮୧୨କୁ ଉଦ୍ଧାର କରିଛନ୍ତି ।

ଏହି ମୋଟର ସାଇକେଲ ମଧ୍ୟରୁ ଦୁଇଟି ଅନୁଗୁଳ ଜିଲ୍ଲା
ତାଳଚେର ଏବଂ ଗୋଟିଏ କଟକ ବାଦାମ ବାଡିରୁ ଚୋରୀ କରିଥିବା ଅଭିଯୁକ୍ତ ପ୍ରକାଶ କରିଛି ।