ଗରୁଡବନ୍ଦୀରେ ଝାଡ଼ାବାନ୍ତି : ୩ଗୁରୁତର , ଜଣେ ମୃତ

ଅର୍ଦ୍ଧଶିକ୍ଷିତ ମୁଣ୍ଡା ବସ୍ତିରେ ବ୍ୟାପିଛି ଝାଡ଼ାବାନ୍ତି। ଆକ୍ରାନ୍ତ ହୋଇ ଜଣେ ମୃତ ବରଣ କରିଥିବା ବେଳେ ୩ ଜଣ ଗୁରୁତର ହୋଇ ବିଭିନ୍ନ ଚିକିତ୍ସାଲୟରେ ଚିକିତ୍ସିତ ହେଉଥିବା ଜଣାପଡ଼ିଛି।

ଖବର ନେବା ରୁ ଜଣା ଯାଏ ଯେ , ଢେଙ୍କାନାଳ ଜିଲ୍ଲା ଭୁବନ ବ୍ଲକ ଅନ୍ତର୍ଗତ ବାଲିବୋ ପଞ୍ଚାୟତ ଗରୁଡବନ୍ଦି ମୁଣ୍ଡା ସାହିରେ ବାସ କରନ୍ତି ଚିତ୍ତ ମୁଣ୍ଡା । ଭଦ୍ରକ ଜିଲ୍ଲା ବଗଧରା ଗ୍ରାମକୁ ନିଜ ଭଉଣି ଘରକୁ ଚିତ୍ତ ମୁଣ୍ଡାଙ୍କ ୩ଝିଅ କଣ୍ଢେଇ ମୁଣ୍ଡା, ନନ୍ଦିତା ମୁଣ୍ଡା, ଲିଲି ମୁଣ୍ଡା ସହ ପଡୋଶୀ ଝରଣା ଦେହୁରୀ ଧାନ ରୁଆ ପୋତା କରିବାକୁ ଯାଇଥିଲେ। ସେଠାକାର ଜଣେ ଝିଅ ରୂପାଲି ଝାଡାବାନ୍ତିରେ ମୃତ ବରଣ କରିଥିଲେ। ଏହି ୪ଜଣ ମଧ୍ୟ ଆକ୍ରାନ୍ତ ହୋଇଥିଲେ। ପରିବାର ଲୋକ ସେମାନଙ୍କୁ ଶୁକ୍ରବାର ରାତିରେ ଗାଁକୁ ଆଣିଥିଲେ । କଣ୍ଢେଇ ଅବସ୍ଥା ଗୁରୁତର ହେବାରୁ ତାଙ୍କୁ ପ୍ରଥମେ ଭୁବନ ପରେ ଢେଙ୍କାନାଳ ସ୍ଥାନାନ୍ତର କରାଯାଇଥିଲା।

ଢେଙ୍କାନାଳରୁ କଟକ ରେଫର ହୋଇଥିଲେ ବି କଣ୍ଢେଇକୁ କଟକ ନିଆ ନଯାଇ ଘରକୁ ଫେରାଇ ଆଣିଥିଲେ। ଆଜି ଗୁରୁତର ଅବସ୍ଥାରେ ପୁଣି ଡ଼ୁବୁରୀ ସ୍ଥିତ ଟାଟା ମେଡିକୋକୁ ସ୍ଥାନାନ୍ତର କରାଯାଇଛି। ଅପରପକ୍ଷେ କଣ୍ଢେଇର ବିବାହିତ ଭଉଣି ନମିତାଙ୍କ ଶାଶୁ ସୁକାନ୍ତି ଯାଜପୁର ଜିଲ୍ଲା ସୁକିନ୍ଦା ବ୍ଲକ ଗିରିଙ୍ଗାବହାଳି ଗ୍ରାମରୁ କଣ୍ଢେଇକୁ ଦେଖିବାକୁ ଆସିଥିଲେ । ସୁକାନ୍ତି (୫୨)ଝାଡ଼ାବାନ୍ତିରେ ଆକ୍ରାନ୍ତ ହୋବାରୁ ତାଙ୍କୁ କାମାକ୍ଷାନଗର ସ୍ଥାନାନ୍ତର କରାଯାଇଥିଲା। ସେଠାରେ ତାଙ୍କର ମୃତ ହୋଇଥିଲା । ଗ୍ରାମର ମଧା ମୁଣ୍ଡାଙ୍କ ବୋହୂ କମଳି ମୁଣ୍ଡା (୧୯) ଙ୍କୁ ଗୁରୁତର ଅବସ୍ଥାରେ ସୁକିନ୍ଦା ଡାକ୍ତରଖାନାରେ ଆଜି ସକାଳୁ ଭର୍ତ୍ତି କରାଯାଇଛି ।

ଅନ୍ୟ ଯୁବକ ଅଜୟ ମୁଣ୍ଡା (୨୫)ଙ୍କୁ ପ୍ରଥମେ ସୁକିନ୍ଦା ପରେ ଯାଜପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଖବର ପାଇ ମଠକରଗୋଳା ଗୋଷ୍ଟି ସ୍ବାସ୍ଥ୍ୟ କେନ୍ଦ୍ରର କର୍ମଚାରି ଶ୍ୟାମ ସୁନ୍ଦର ସାହୁ, ମହିଳା ସ୍ବାସ୍ଥ୍ୟ କର୍ମୀ ବିଳାସିନୀ ମିଶ୍ର, ଆଶା କର୍ମୀ ସୌଦାମିନୀ ସାହୁ ଘଟଣାସ୍ଥଳରେ ପହଞ୍ଚି ପାଣି ନମୁନା ସଂଗ୍ରହ କରିବା ସହ ଡାକ୍ତରୀ ସେବା ଯୋଗାଇ ଦେଇଛନ୍ତି।