ତୁମକୁ କୋଟି ପ୍ରଣାମ

ଭାଷା – ସାହିତ୍ୟର ସେନାପତି ତୁମେ
                  ତୁମକୁ କୋଟି ପ୍ରଣାମ
ତୁମେ ଏ ଜାତିର ଅଲିଭା ପ୍ରଦୀପ
                   ଜଳୁଥିବ ଚିରଦିନ।
ଭାଷା – ସାହିତ୍ୟର ସେନାପତି ତୁମେ
           ତୁମକୁ କୋଟି ପ୍ରଣାମ। (୦)

କଥା – ସାହିତ୍ୟର ସେନାପତି ତୁମେ
           ଲେଖିଗଲ ଯେତେ କଥା
ଆଜିଯାଏଁ କିନ୍ତୁ ପାରିଲୁନି ଆମେ
              କହିବାକୁ ଶେଷ କଥା
କାବ୍ୟ କବିତାର ନାହିଁତ ତୁଳନା
             ହେବନି କେବେ ମଳିନ,
ଭାଷା – ସାହିତ୍ୟର ସେନାପତି ତୁମେ
             ତୁମକୁ କୋଟି ପ୍ରଣାମ (୧)

ସକଳ କ୍ଷେତ୍ରରେ ଦେଖା ଦେଇଅଛି
                 ମୂଲ୍ୟବୋଧ ଅବକ୍ଷୟ
ତୁମ ସର୍ଜନା କାଳଜୟୀ ସିନା!
                  ରହିଛି ଚିତ୍ତ ଅକ୍ଷୟ
ହେ କାଳଜୟୀ ସ୍ରଷ୍ଟା ପୁରୁଷ
                   ଜାତିକୁ କରିଛ ଧନ୍ୟ,
ଭାଷା – ସାହିତ୍ୟର ସେନାପତି ତୁମେ
             ତୁମକୁ କୋଟି ପ୍ରଣାମ (୨)

ତୁମରି ଆତ୍ମା ଆଜିବି ଯେମିତି
               ଚେତାଇ ଦିଏ ଜାତିକୁ –
ଆସିଅଛି ବେଳ ଭଲପାଅ ଏବେ
               ଆମ ଭାଷା ସାହିତ୍ୟକୁ
ପ୍ରତିଟି ଓଡ଼ିଆ ମନ ଓ ପ୍ରାଣରେ
             ଖେଳିଯାଉ ଏ ସ୍ପନ୍ଦନ…
ଭାଷା – ସାହିତ୍ୟର ସେନାପତି ତୁମେ
           ତୁମକୁ କୋଟି ପ୍ରଣାମ। (୩)

✍️ଜ୍ୟୋତିର୍ମୟୀ ଶତପଥୀ