ଲୀଳାବତୀ ପାଠାଗାର ଉଦଘାଟିତ

ଢେଙ୍କାନାଳ ଜିଲ୍ଲାର ହିନ୍ଦୋଳ ବ୍ଲକ ଚିତ୍ତଳପୁର ଗ୍ରାମପଞ୍ଚାୟତ ଅନ୍ତର୍ଗତ ପଞ୍ଚପଡା ଗ୍ରାମସ୍ଥିତ ଶ୍ରୀଅରବିନ୍ଦ ଜୀବନ ବିଦ୍ୟାଳୟ ପରିସରରେ ଗତ ୪ତାରିଖରେ ଏକ ନୂତନ ପାଠାଗାର ଉଦଘାଟିତ ହୋଇଯାଇଛି ।

ଗ୍ରାମର ପ୍ରତ୍ୟକ ଶିଶୁ ବିଦ୍ୟାଳୟକୁ ଯାଇ ଜ୍ଞାନ ଆହରଣ କରି ସମାଜର ମୂଖ୍ୟସ୍ରୋତରେ ସାମିଲ ହୋଇ ଆତ୍ମନିର୍ଭରଶିଳ ହୁଅନ୍ତୁ ବୋଲି ସର୍ବଦା ଚେଷ୍ଟିତ ଥିବା ସମାଜସେବୀ ସ୍ୱର୍ଗତା ଲୀଳାବତୀ ପାଳଙ୍କ ନାମରେ ନାମିତ ଲୀଳାବତୀ ପାଠାଗାର କୁ ପାଳ ପରିବାର ର ପୁତ୍ରବଧୂ ତଥା ଭୁବନେଶ୍ୱର ସ୍ଥିତ ଏକାମ୍ର ମହାବିଦ୍ୟାଳୟର ଅବସର ପ୍ରାପ୍ତ ଅଧ୍ୟକ୍ଷା ପ୍ରଣତି ମିଶ୍ର ମୁଖ୍ୟ ଅତିଥିଭାବେ ଯୋଗଦେଇ ପାଠାଗାର ର ଶୁଭ ଉଦଘାଟନ କରିଥିଲେ ।

ଉକ୍ତ ପାଠାଗାର ରେ ବିଭିନ୍ନ ଗ୍ରନ୍ଥ , ନାଟକ ,ପୁରାଣ , ଶ୍ରୀମା ଅରବିନ୍ଦ ସଂସ୍କୃତି ଜ୍ଞାନ ,ସାଧାରଣ ଜ୍ଞାନ ବିଜ୍ଞାନ ପୁସ୍ତକ ସହ କଂକମ୍ପ୍ୟୁଟର ଶିକ୍ଷା ବ୍ୟବସ୍ତା ଛତ୍ର ଛାତ୍ରୀଙ୍କ ନିମନ୍ତେ କରାଯାଇଛି । ଉକ୍ତ କାର୍ଯ୍ୟକ୍ରମରେ ବିଦ୍ୟାଳୟ ପରିଚାଳନା କମିଟି ସଦସ୍ୟ ଜ୍ଞାନ ରଂଜନ ପତି , ଅନ୍ତର୍ଯ୍ୟାମି ବିଶ୍ୱାଳ , ପବିତ୍ର କୁମାର ବିଶ୍ୱାଳ ,ଶଙ୍କର୍ଷଣ ପାଳ , ଧରଣିଧର ପାଳ ଓ ଗ୍ରାମ କମିଟି ସଭାପତି ବିମ୍ବାଧର ପଣ୍ତା ସମେତ ସମସ୍ତ ପାଳ ପରିବାର ବର୍ଗ ଉପସ୍ଥିତ ଥିବା ବେଳେ କାର୍ଯ୍ୟକ୍ରମରେ ବିଦ୍ୟାଳର ସମସ୍ତ ଶିକ୍ଷକ ଶିକ୍ଷୟତ୍ରୀ ଉପସ୍ଥିତ ରହି ସକ୍ରିୟ ସହଯୋଗ କରିଥିଲେ । ଉକ୍ତ କାର୍ଯ୍ୟକ୍ରମରେ ସ୍ଥାନିୟ ଶତାଧିକ ଜନସାଧାରଣ ଉପସ୍ଥିତ ଥିଲେ ।