ବାଇକ ଦୁର୍ଘଟଣାରେ ପୋଲିସ କର୍ମଚାରୀ ମୃତ

ଢେଙ୍କାନାଳ ଜିଲ୍ଲାର ହିନ୍ଦୋଳ ଉପଖଣ୍ଡରେ ଗତକାଲି ବିଳମ୍ବିତ ରାତିରେ ବାଇକ ଦୁର୍ଘଟଣାରେ ଜଣେ ପୋଲିସ କର୍ମଚାରୀ ମୃତ୍ୟୁବରଣ କରିଛନ୍ତି ।ଖବରରୁ ପ୍ରକାଶ ଯେ , ହିନ୍ଦୋଳ ଉପଖଣ୍ଡ ବାଲିମି ଥାନା ଅନ୍ତର୍ଗତ ବlରସିଙ୍ଗା ଗ୍ରାମରେ ପିଲାଦିନୁ ଅଜା ସର୍ବେଶ୍ୱରଙ୍କ ଘରେ ନାତି ତଥା ଶ୍ରୀକାନ୍ତ ସାହୁଙ୍କ ପୁଅ ସ୍ମୃତିରଞ୍ଜନ(୨୩) ହଳଦିଆବାହାଳ ଗ୍ରାମର ବଢିଆସିଥିଲେ ଏବଂ ଗତ ଏକବର୍ଷ ତଳେ ପୋଲିସ ବାହିନୀରେ ଯୋଗଦେଇ ହିନ୍ଦୋଳ ଟ୍ରେଜେରି ରେ କାର୍ଯ୍ୟ କରୁଥିଲେ। ତେବେ ପ୍ରତିଦିନ ଭଳି ଡିଉଟି ସାରି ବିଳମ୍ବିତ ରାତି ୧୦ଟା ପରେ ନିଜ ପଲସର ବାଇକ ରେ ଅଜାଘର ବlରସିଙ୍ଗା ଗ୍ରାମକୁ ଫେରୁଥିବା ସମୟରେ ଗ୍ରାମ ମୁଣ୍ଡଠାରେ ଭାରସାମ୍ୟ ହରାଇ ରାସ୍ତାକଡ଼ ଗଛରେ ବାଇକଟି ପିଟି ହୋଇଯାଇଥିଲା ଫଳରେ ସ୍ମୃତିରଞ୍ଜନ ଛିଟିକି ପଡିବା ସହ ଗୁରୁତର ଆହତ ହୋଇଥିଲେ।

ଗ୍ରାମବାସୀଙ୍କ ଠାରୁ ଦୁର୍ଘଟଣା ଖବର ପାଇ ବାଲିମି ଓ ହିନ୍ଦୋଳ ଥାନା ପୋଲିସ ଅଧିକାରୀ ଓ କର୍ମଚାରୀ ଘଟଣା ସ୍ଥଳରେ ପଡ଼ିଥିବା ସ୍ମୃତିରଞ୍ଜନ ଙ୍କୁ ହିନ୍ଦୋଳ ଉପଖଣ୍ଡ ଡାକ୍ତରଖାନା ଆଣିଥିଲେ ମାତ୍ର ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ। ବାଲିମି ଥାନା ପୋଲିସ ଶବ ଜବତ କରି ଆଜି ବ୍ୟବଚ୍ଛେଦ କରାଇ ପରିବାର ବର୍ଗଙ୍କୁ ହସ୍ତାନ୍ତର କରିଛନ୍ତି। ଏଥିସହ ଦୁର୍ଘଟଣାଗ୍ରସ୍ତ ବାଇକଟିକୁ ମଧ୍ୟ ଜବତ କରିଛନ୍ତି। ପରିବାରର ଅଭିଯୋଗ ଆଧାରରେ ଦୁର୍ଘଟଣା ବାବଦରେ ବାଲିମି ଥାନାରେ ଏକ ମାମଲା ରୁଜ୍ଜୁ କରି ଘଟଣା ସମ୍ପର୍କରେ ଅଧିକ ତଦନ୍ତ ଚଳାଇଛନ୍ତି।