ବିଦ୍ୟୁତ୍ ଆଘାତରେ ମହିଳା ମୃତ
ଢେଙ୍କାନାଳ ଜିଲ୍ଲା ହିନ୍ଦୋଳ ବ୍ଲକ ଅନ୍ତର୍ଗତ କଡଲା ଗ୍ରାମରେ ଜଣେ ମହିଳାଙ୍କ ର ବିଦ୍ୟୁତ୍ ଆଘାତରେ ମୃତ୍ୟୁ ଘଟିଛି । କଡଲା ଗ୍ରାମର ଯୁଧିଷ୍ଟିର ମୁଦୁଲୀଙ୍କ ପତ୍ନୀ କୁନ୍ତଳା ମୁଦୁଲୀ ନିଜ ଛାତ ଉପରକୁ
ଲୁଗା ଶୁଖାଇବାକୁ ଯାଇଥିଲେ ।
ଛାତରେ ଯାଇଥିବା ୧୧ କେଭି ବିଦ୍ୟୁତ୍ ତାର ସଂସ୍ପର୍ଶରେ ଓଦା ଲୁଗା ଲାଗିଯିବାରୁ ସେ ଆଘାତ ପାଇ ପଡିଯାଇଥିଲେ । ପରିବାର ଲୋକ ତାଙ୍କୁ ଉଦ୍ଧାର କରି ମେରାମୁଣ୍ଡଳୀ ଚିକିତ୍ସାଳୟରେ ଭର୍ତ୍ତି କରିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏ ସଂକ୍ରାନ୍ତରେ
ପୋଲିସ ଘଟଣା ସ୍ଥଳରେ ପହଁଚି ଏକ ଅପମୃତ୍ୟୁ ମାମଲା ରୁଜ୍ଜୁ କରିଥିବାର ଜଣାପଡିଛି ।
