କଳିଙ୍ଗ ପାଇକ ସମାଜର ରାଜ୍ୟସ୍ତରୀୟ ଉଦଘାଟନ ଉତ୍ସବ ଅନୁଷ୍ଠିତ !

ଢେଙ୍କାନାଳ ଜିଲ୍ଲା ହିନ୍ଦୋଳ ବ୍ଳକ୍ ଖଜୁରିଆକଟା ରେ ସୋମବାର ଦିନ ଉଦଘାଟିତ ହୋଇଯାଇଛି କଳିଙ୍ଗ ପାଇକ ସମାଜ ।ଏହି କାର୍ଯ୍ୟକ୍ରମରେ ରାଜ୍ୟ ଉପ ବାଚସ୍ପତି ରଜନୀକାନ୍ତ ସିଂହ , ସ୍ଥାନୀୟ ବିଦ୍ୟା ବିଧାୟିକା ସୀମାରାଣୀ ନାୟକ , ହିନ୍ଦୋଳ ରାଜା ସାହେବ ଶୈଳେନ୍ଦ୍ର ନାରାୟଣ ସିଂହଦେବ , ପ୍ରଫେସର ସୁଶାନ୍ତ ଦାସ , ଅଧ୍ୟକ୍ଷ ଵିଦ୍ୟାଧର ବାରିକ ଓ ରତିକାନ୍ତ ଗଡ଼ନାୟକ ଉପସ୍ଥିତରେ କଳିଙ୍ଗ ପାଇକ ସମାଜ ଉଦଘାଟିତ ହୋଇଯାଇଛି ।

ଅନୁଷ୍ଠିତ କାର୍ଯ୍ୟକ୍ରମରେ ୨୦ ରୁ ପାଇକ ଦଳ ନିଜର ପାରଙ୍ଗମତା ପ୍ରଦର୍ଶନ କରିଥିଲେ ।ଏହା ବ୍ୟତିତ ପାଇକ ପରିବାରର ୧୦ ଜଣ ପୂର୍ବତନ ଶିକ୍ଷକ ଶିକ୍ଷୟତ୍ରୀ ଙ୍କୁ ଅନୁଷ୍ଠାନ ପକ୍ଷରୁ ସମ୍ମାନିତ କରାଯାଇଛି । କାର୍ଯ୍ୟକ୍ରମ ଶେଷରେ ସଂଗଠକ ରତିକାନ୍ତ ଗଡ଼ନାୟକଙ୍କୁ ରାଜ୍ୟ ସଭାପତି ଭାବରେ ଦାୟୀତ୍ୱ ହସ୍ତାନ୍ତର କରାଯାଇଥିଲା ।