ଦୁଇ ବାଇକ ମୁହାଁମୁହିଁ ଧକ୍କା ହେବା ଫଳରେ ୨ ଗୁରୁତର

ଢେଙ୍କାନାଳ ଜିଲ୍ଲା ଗଁଦିଆ ଥାନା ଯୋରନ୍ଦା ଫାଣ୍ଡି ଅନ୍ତର୍ଗତ ଯୋରନ୍ଦା ଗାଁ ବୁଲାଣି ନିକଟରେ ୨ଟି ବାଇକ୍ ମୁହାଁମୁହିଁ ଧକ୍କା ହେବା ଫଳରେ ୨ଜଣ ଗୁରୁତର ଆହତ ହୋଇଛନ୍ତି । ଆହତ ୨ଜଣ ହେଲେ ଖଙ୍କର ଗ୍ରାମ ର ନାରଣ ସେଠୀଙ୍କ ପୁତ୍ର ସୋମ୍ୟରଂଜନ ସେଠି (୩୨) ଓ ବଜୁରିଆ ଗ୍ରାମର ବୈରାଗୀ ପ୍ରଧାନ ଙ୍କ ପୁତ୍ର ସୁନି ପ୍ରଧାନ (୨୬) ବୋଲି ସୂଚନା ।

ସୋମ୍ୟରଂଜନ ସେଠି ଢେଙ୍କାନାଳ ଆଡୁ ବାଇକ୍ ଯୋଗେ ନିଜ ଘରକୁ ଫେରୁଥିବା ବେଳେ , ସୁନି ବାଇକ୍ ଯୋଗେ ନିଜ ଗ୍ରାମରୁ ଯୋରନ୍ଦା ଯାଉଥିଲେ । ଉଭୟ ଯୋରନ୍ଦା ଗାଁ ମୁଣ୍ଡ ବୁଲାଣିରେ ରେ ଭାରସ୍ୟାମ ହରାଇ ଦୁଇଟି ବାଇକ୍ ମୁହାଁମୁହିଁ ଧକ୍କା ହୋଇଥିଲେ ,ଫଳରେ ଉଭୟ ଗୁରୁତର ଆହତ ହୋଇଥିଲେ । ଆହତ ୨ଜଣଙ୍କୁ ତୁରନ୍ତ ୧୦୮ ଆମ୍ବୁଲାନ୍ସ ଯୋଗେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।