ସିଙ୍ଗା ଗ୍ରାମରେ ଅଘଟଣ, ବିଦ୍ୟୁତ ଆଘାତରେ ପ୍ରାଣ ହାରିଲେ ଯୁବକ

ବାପା ଆଗରେ ପଡିରହିଛି ପୁଅର ମୃତ ଦେହ । ପୁଅର ମୃତ୍ୟୁକୁ ସହଜରେ ଗ୍ରହଣ କୃପାରୁନି ବୃଦ୍ଧ ବାପା । କେତେବେଳେ ମୁଣ୍ଡ ଆଉଁସି ଦେଉଛି ତ କେତେବଳେ ଦେହକୁ ବାଡେଇ ବାପରେ ଉଠୁ ବୋଲି ଡାକୁଛି ଏଭଳି ଏକ ଦୁଃଖଦ ଦୃଶ୍ୟ ଦେଖିବାକୁ ମିଳିଛି  ଢେଙ୍କାନାଳ ଜିଲ୍ଲା ରାଇତଳା ଗ୍ରାମପଞ୍ଚାୟତ ଅନ୍ତର୍ଗତ ସିଙ୍ଗା ଗ୍ରାମରେ ।

ସୂଚନା ଅନୁଯାୟୀ ସିଙ୍ଗା ଗ୍ରାମର ଭରତ କୁମାର ଦାସଙ୍କର ପୁଅ ସୁନାକର ଦାସ ଆଜି ତାଙ୍କ ଘରେ କୌଣସି ବିଦ୍ୟୁତ ଜନିତ କାମ କରୁଥିବା ସମୟରେ ବିଦ୍ୟୁତ ତାର ସସ୍ପର୍ଶରେ ଆସିଥିଲେ, ଯାହା ଫଳରେ ତାଙ୍କୁ ଶକ୍ତ ଆଘାତ ଲାଗିଥିଲା । ସରବରାହ ଏତେ ମାତ୍ରାରେ ଥିଲା ଯେ ସୁନାକର କିଛି ଦୂରକୁ ଫିଙ୍ଗି ହୋଇ ପଡ଼ିଥିଲେ । 

ତେବେ ତାଙ୍କୁ ଶ୍ରୀରାମଚନ୍ଦ୍ର ଗୋଷ୍ଠି ସ୍ୱାସ୍ଥ୍ୟକେନ୍ଦ୍ର ଓ ପରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତିକରି କରାଯାଇଥିଲା ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଅନ୍ୟପଟେ ଯୁବକ ପୁଅର ମୃତ୍ୟୁ କୁ ସହଜରେ ଗ୍ରହଣ କରିପାରୁ ନାହାନ୍ତି ତାଙ୍କ ବାପା । ପୁଅର ମୃତଦେହ ଆଗରେ ବସି ରହିଛି ବୃଦ୍ଧ ବାପା ।  ସେହିପରି ସ୍ଥାନୀୟ ଅଞ୍ଚଳରେ ଶୋକାକୁଳ ପରିସ୍ଥିତି ସୃଷ୍ଟି ହୋଇଛି ।