ବାପୁମନ୍ଦିର ପକ୍ଷରୁ ଗୋପବନ୍ଧୁ ଙ୍କ ଶ୍ରାଦ୍ଧ ଦିବସ ପାଳନ

କାମାକ୍ଷାନଗର ବାପୁମନ୍ଦିର ନ୍ୟାସ ଓ ପୂଜ୍ୟ ପୂଜା ସଂଗଠନ ପକ୍ଷରୁ ସଭାପତି ଅବସର ପ୍ରାପ୍ତ କାମାକ୍ଷାନଗର ମହାବିଦ୍ୟାଳୟ ଅଧ୍ୟକ୍ଷ ତଥା ବରିଷ୍ଠ ଶିକ୍ଷାବିତ ପ୍ରଫେସର ଅରବିନ୍ଦ କାନ୍ତ ରାୟ ଙ୍କ ଅଧ୍ୟକ୍ଷତାରେ ସ୍ଥାନୀୟ ଗାନ୍ଧୀ ମନ୍ଦିରରେ ପରିସରରେ ଉତ୍କଳ ମଣି ଗୋପବନ୍ଧୁ ଙ୍କ ଶ୍ରାଦ୍ଧ ଦିବସ ଅନୁଷ୍ଠିତ ହୋଇ ଯାଇଛି ।

ଏହି ଅବସରରେ ଗୋପବନ୍ଧୁ ଙ୍କ ଫୋଟୋ ଚିତ୍ରରେ ମଲ୍ୟାର୍ପଣ , ଧୂପ ଦୀପ ପ୍ରଦାନ କରାଯାଇଥିଲା । ସମ୍ପାଦକ ଅବସରପ୍ରାପ୍ତ ଜିଲ୍ଲା ଶିକ୍ଷା ନିରୀକ୍ଷକ ମାୟାଧର ପାଣି , କୋଷାଧ୍ୟକ୍ଷ ପ୍ରଧାନ ଶିକ୍ଷକ ଶ୍ରୀରାମ ରାଉତ ଗୋପବନ୍ଧୁ ଙ୍କ ଦେଶପ୍ରେମ ସହ ତାଙ୍କର କାଳଜୟୀ ଲେଖା ଗୁଡିକ ଉପରେ ସ୍ମୃତିଚାରଣ କରିଥିଲେ ।

ବିଶିଷ୍ଟ ଶିକ୍ଷାବିତ ପଣ୍ଡିତ ଦିବାକର ନନ୍ଦ ଗୋପବନ୍ଧୁ ଦାସ ଙ୍କ ଓଡିଶା ପ୍ରତି ଅବଦାନ ଉପରେ ଆଲୋଚନା କରିଥିଲେ । ସହ ସମ୍ପାଦକ ନିରଞ୍ଜନ ସାହୁ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ । ଆଜୀବନ ସଦସ୍ୟ ବିରବର ପ୍ରଧାନ ଗଜେନ୍ଦ୍ର ନାୟକ , ହିମାଂଶୁ ମହାନ୍ତି , ଶ୍ୟାମ ଘନ ସାହୁ , ଶ୍ରୀବତ୍ସ ବେହେରା ପ୍ରମୁଖ ଉକ୍ତ କାର୍ଯ୍ୟକ୍ରମରେ ଉପସ୍ଥିତ ଥିଲେ ।