ଶ୍ରୀଶ୍ରୀ ନୀଳକଣ୍ଠେଶ୍ଵର ମହାଦେବ ଙ୍କ ମନ୍ଦିର ପ୍ରତିଷ୍ଠା

କାମାକ୍ଷାନଗର ବ୍ଲକ କାଦୁଆ ଗ୍ରାମ ରେ ଶ୍ରୀଶ୍ରୀ ନୀଳକଣ୍ଠେଶ୍ଵର ମହାଦେବ ଙ୍କ ମନ୍ଦିର ପ୍ରତିଷ୍ଠା ହୋଇଯାଇଛି l ଏହି ଉପଲକ୍ଷେ ଆଜି ସକାଳୁ ଶତାଧିକ ଗ୍ରାମବାସୀ କଳସ ଯାତ୍ରା ରେ ଆସି ମନ୍ଦିର ପରିସରରେ ଯଂଜ୍ଞକୁଣ୍ଡ ନିକଟରେ ଉପସ୍ଥିତ ରହିଥିଲେ l ବେଦାଜ୍ଞ ବ୍ରାହ୍ମଣ ମାନଙ୍କ ଶ୍ଳୋକ ଓ କୀର୍ତ୍ତନ ମଧ୍ୟରେ ଯଂଜ୍ଞ ଅନୁଷ୍ଠିତ ହୋଇଥିଲା l

ଏହି ଉପଲକ୍ଷେ ଆଖପାଖ ଗ୍ରାମ ରୁ ବହୁ ଶ୍ରଦ୍ଧାଳୁ ଯୋଗ ଦେଇ ମନ୍ଦିର ଦର୍ଶନ କରିବା ସହ ପ୍ରସାଦସେବନ ରେ ଭାଗ ନେଇଥିଲେ l କର୍ତ୍ତା ଭାବରେ ସୁରେଶ ମହାପାତ୍ର ଓ ବାସନ୍ତୀ ମହାପାତ୍ର ଉପସ୍ଥିତ ରହି ଯଥାବିଧି ପୂଜା କାର୍ଯ୍ୟ ସମାପନ କରିଥିଲେ l ହିମାଂଶୁ ଶେଖର ମହାପାତ୍ର, ସୁଧାଂଶୁ ଶେଖର ମହାପାତ୍ର, ଦେବେନ୍ଦ୍ର ମହାପାତ୍ର, ସୁଧୀର ଖଟୁଆ, ଓ କାଦୁଆ ଗ୍ରାମବାସୀ ମାନେ ଶୃଙ୍ଖଲା ର ସହ କାର୍ଯ୍ୟକ୍ରମ ପରିଚାଳନା କରିଥିଲେ l