କାମାକ୍ଷାନଗର ବ୍ଲକ କାନପୁରା ସ୍ଥିତ ପଞ୍ଚାୟତରାଜ ଉଚ୍ଚ ବିଦ୍ୟାଳୟରେ ପ୍ରଧାନ ଶିକ୍ଷକ ଶ୍ରୀରାମ ରାଉତ ଙ୍କ ତତ୍ୱାବଧାନରେ ତଥା ବରିଷ୍ଠ ଶିକ୍ଷୟିତ୍ରୀ କବିତା ରାଉତ ଙ୍କ ସଭାପତିତ୍ୱ ରେ ଜାତୀୟ ଗଣିତ ଦିବସ ପାଳିତ ହୋଇଯାଇଛି । କାମାକ୍ଷାନଗର ମାହାବିଦ୍ୟାଳୟ ର ବରିଷ୍ଠ ପଦାର୍ଥବିଜ୍ଞାନ ଅଧ୍ୟାପକ ବିଶ୍ୱନାଥ ଦାସ ମୁଖ୍ୟଅତିଥି ରୂପେ ଯୋଗଦେଇ ଶ୍ରୀନିବାସ ରାମାନୁଜନ ଙ୍କ ଗଣିତ ଜଗତ କୁ ଅବଦାନ ଉପରେ ଆଲୋଚନା କରିଥିଲେ ।
ଗଣିତ ପଢ଼ା କିପରି ସହଜ , ବୋଧଗମ୍ୟ ହେବ ଓ ପିଲାମାନଙ୍କ ର ଗଣିତ ପଢ଼ା ପ୍ରତି ଆଗ୍ରହ ସୃଷ୍ଟି ହୋଇ ପାରିବ ତାହାର ସରଳ ସୁତ୍ର ମୁଖ୍ୟଅତିଥି ପ୍ରଦାନ କରିଥିଲେ। ବିଜ୍ଞାନ ଶିକ୍ଷକ ନିରଞ୍ଜନ ସାହୁ ସ୍ୱଗାତ ଭାଷଣ , ଅତିଥି ପରିଚୟ ପ୍ରଦାନ କରିବା ସହ କାର୍ଯ୍ୟକ୍ରମ ସଂଯୋଜନା କରିଥିଲେ । ବିଜ୍ଞାନ ଶିକ୍ଷକ ଚନ୍ଦ୍ରମଣି ଲେଙ୍କା ଗଣିତ ବିଭାଗ ର ବିବରଣୀ ପ୍ରଦାନ କରିବା ସହ ବିଦ୍ୟାଳୟ ରେ ଥିବା ଗଣିତ ପ୍ରୟୋଗ ଶାଳା ର ବ୍ୟବହାରିକତା ଉପରେ ଆଲୋକପାତ କରିଥିଲେ । ଦଶମ ଶ୍ରେଣୀ ର ଛାତ୍ରୀ ଅନସୂୟା ସାହୁ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
ଶିକ୍ଷକ , ବସନ୍ତ କୁମାର ସାହୁ , ଚିତ୍ତରଞ୍ଜନ ବିଶ୍ୱାଳ , ଆକାଶ ରାଉତ , ଶିକ୍ଷୟିତ୍ରୀ ସୁମିତ୍ରା ଜେନା , ଜ୍ୟୋତିର୍ମୟୀ ସାହୁ କାର୍ଯ୍ୟକ୍ରମ ପରିଚାଳନା କରିଥିଲେ । ଶିକ୍ଷକ ସମରେନ୍ଦ୍ର ନାୟକ , ପ୍ରହଲ୍ଲାଦ ସାହୁ , ନିର୍ମଳ କୁମାରମହାନ୍ତି ,ରୁଦ୍ରନାରାୟଣ ପରିଡା , ବାନାର୍ଜୀ ମହାନ୍ତି , ସୌଭାଗ୍ୟ ସାହୁ , ଶିକ୍ଷୟିତ୍ରୀ ପ୍ରଭାତୀ ସାହୁ , ଗୀତା ମହାପାତ୍ର , ମନଶ୍ୱିନୀ ଶତପଥି ,ରୋଜାଲିନ ପତି , ଜୟସ୍ମିତା ରାଉତ ଶିକ୍ଷା କର୍ମଚାରୀ ଗିରିଶ ମହାନ୍ତି , ରବି ନାରାୟଣ ରାଉତ , ଶାନ୍ତନୁ ରାଉତ ପ୍ରମୂଖ ଉପସ୍ଥିତ ଥିଲେ ।