ଢେଙ୍କାନାଳ ଜିଲ୍ଲା ହିନ୍ଦୋଳ ବ୍ଳକ କୁନୁଆଁ ପଞ୍ଚାୟତ କୁନୁଆଁ ଗ୍ରାମର ଜନୈକା ବିଧବା ମହିଳାଙ୍କ ଉପରେ ପରିବାରର ୪ ଜଣଙ୍କ ବୋଝ । ଗରିବ ମହିଳାଙ୍କୁ ସରକାରଙ୍କ ତରଫରୁ ମାତ୍ର ୫ କେଜି ଚାଉଳ ଏବଂଭତ୍ତା ମିଳୁଥିବା ବେଳେ ଘର ଖଣ୍ଡିଏ ନଥବାରୁ ୨ଶିଶୁ ଏବଂ ବୃଦ୍ଧ ଶାଶୁ ଶ୍ୱଶୁରଙ୍କୁ ନେଇ ଭଙ୍ଗା ଘରେ ରହୁଥିବାର ଜଣାପଡିଛି ।
କୁନୁଆଁ ଗ୍ରାମର ନରେଶ ନାଏକ ଗତ ୧୦ ବର୍ଷ ତଳେ ମୃତ୍ୟୁ ବରଣ କରିଛନ୍ତି । ସ୍ୱାମୀ ଚାଲିଯିବା ପରେ ତାଙ୍କ ବିଧବା ପତ୍ନୀ ଝରଣା ନାଏକ ନିଜର ଦୁଇ ଶିଶୁ ପୁତ୍ର ଚନ୍ଦନ ନାଏକ (୧୦) ଏବଂ ବାଦଲ
ନାଏକ(୭)ଙ୍କ ସହତି ବୃଦ୍ଧ ଶାଶୁ ଏବଂ ଶ୍ୱଶୁର ତାଙ୍କ ନିକଟରେ ରହୁଛନ୍ତି ।
ଘରେ ରୋଜଗାର କରିବାକୁ କେହି ନଥିବା ବେଳେ ସରକାରଙ୍କ ତରଫରୁ ମିଳୁଥିବା ମାସିକ ୫ କେଜି ଚାଉଳ ଏବଂ ୫ଶହ ଟଙ୍କା ଭତ୍ତାମିଳୁଛି, ବହୁ ଦୁଃଖ କଷ୍ଟରେ ପରିବାର ପ୍ରତି ପୋଷଣ କରୁଥିବା ବେଳେ ଘର ନଥିବାରୁ ଭଙ୍ଗା ଦଦରା ଚାଳ ଘରେ ୫ଜଣ ବସବାସ କରୁଛନ୍ତ ।
ବର୍ଷାହେଲେ ଘରେ ପାଣିଗଳୁଛି। ଘର ଖଣ୍ଡେ ପାଇଁ ଝରଣା ସରପଞ୍ଚଠାରୁ ଆରମ୍ଭ କରି ବ୍ଲକ କାର୍ଯ୍ୟାଳୟ ପର୍ଯ୍ୟନ୍ତ ଅନେକ ଅନୁରୋଧ କଲେ ମଧ୍ୟ କୌଣସି ଫଳ ମିଳିନାହିଁ ।ସରକାରଙ୍କ ତରଫରୁ ଦୁଇ ଶିଶୁଙ୍କ ପାଇଁ ପାଠ ପଢାର ବ୍ୟବସ୍ଥା ସହତି ପରିବାରକୁ ଘର ଖଣ୍ଡେ ଏବଂ ଯୋଗାଇ ଦେବାକୁ ଦାବି ହୋଇଛି ।