ହାତୀ ଆକ୍ରମଣରେ ୪ଜଣ ହାତୀ ସ୍କ୍ବାର୍ଡ ଆହତ

ଢେଙ୍କାନାଳରେ ହାତୀ ମଣିଷ ଲଢେଇ ଏକ ନିତିଦିନିଆ ଘଟଣା । ଏଥିପାଇଁ କେତେବେଳେ ହାତୀର ମୃତ୍ୟୁ ହେଉଛି ତ କେବେ ବେଳେ ମଣିଷର ମୃତ୍ୟୁ ହେଉଛି । ବିଭିନ୍ନ ସମୟରେ ହାତିମାନଙ୍କର ପାଦୃଭାବରୁ ୫୫ ନମ୍ବର ଜାତୀୟ ରାଜପଥରେ ଯାଉଥିବାବେଳେ ରାସ୍ତା ଘଣ୍ଟା ଘଣ୍ଟାଧରି ଗାଡିମଟର ଅଟକି ରହୁଛି ।

କେତେବେଳେ ରେଳ ଧାରଣା ପାରିହେବା ବେଳେ ଟ୍ରେନ ମଧ୍ଯ ଅଟକି ରହୁଛି । ହାତୀମାନଙ୍କୁ ଘଉଡ଼ାଇବା ପାଇଁ ବନ ବିଭାଗ ପକ୍ଷରୁ ହାତୀ ସ୍କ୍ବାର୍ଡମାନଙ୍କୁ ନିଯୁକ୍ତି ଦିଆଯାଇଛି । ହେଲେ ଏହି ସ୍କ୍ବାର୍ଡମାନେ ବିଭିନ୍ନ ସମୟରେ ହାତୀ ସହିତ ମୁହାଁମୁହିଁ ହେବାକୁ ପଡିଛି।

ଗତକାଲି ରାତିରେ ଓଡାପଡ଼ା ବ୍ଳକର ଗଉଡ କାଟେଣୀଠାରେ ହାତୀ ଆକ୍ରମଣରେ ୪ଜଣ ହାତୀ ସ୍କ୍ବାର୍ଡ ଆହାତ ହୋଇଛନ୍ତି । ଫଳରେ ଶ୍ରୀକାନ୍ତ ଗୁରୁ, ଅଶୋକ କୁମାର ସେଠୀ, ଓ ଚନ୍ଦ୍ରସେଣା ବେହେରା ଆହାତ ହୋଇ ନିକଟସ୍ଥ ମେରାମଣ୍ଡଳୀ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। ଏବଂ ଝାଡବନ୍ଧ ଗ୍ରାମର ପିତବାସ ବାରିକ ଗୁରୁତର ଆହାତ ହୋଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇ ଚିକିତ୍ସିତ ହେଉଛନ୍ତି।