ମା ବାପାଙ୍କ ଏକ ମାତ୍ର ପୁଅ ହେଲେ ଜନ୍ମରୁ ଜୀବନ ମରଣ ସହ ଲଢେ଼ଇ କରୁଛି ।ଢେଙ୍କାନାଳ ଜିଲ୍ଲା ଓଡ଼।ପଡ଼ା ବ୍ଳକ ବଳରାମପୁର ପଞ୍ଚାୟତ ସାରିଆପଡା ଗ୍ରାମର କୂଳମଣି ଖଟୁଆଙ୍କ ଏକମାତ୍ର ପୁଅ ସାଇର ଜନ୍ମରୁ ଶରୀର ମଧ୍ୟରେ ଖାଦ୍ୟ ନଳୀ ନଥିଲା । ତାକୁ କଟକ ଶିଶୁ ଭବନ ରେ ଅସ୍ତ୍ରୋପଚାର କରି ତାର ପେଟରେ ଏକ ନଳୀ ସଂଯୋଗ କରିଥିଲେ ଡାକ୍ତର । ସେବେଠାରୁ ଆଜି ପର୍ଯ୍ୟନ୍ତ ସେଇ ନଳୀ ଦେଇ ତରଳ ଖାଦ୍ୟ ଖାଉଛି ସାଇ ।
ବାପା ଜଣେ ରଙ୍ଗମିସ୍ତ୍ରୀ ମା ଙ୍କ ଅକାଳ ଦେହାନ୍ତ ହୋଇଛି ।ବର୍ତ୍ତମାନ ଡାକ୍ତରଙ୍କ କହିବା ଅନୁଯାୟୀ , ଯଦି ତୁରନ୍ତ ଅପରେସନ ନହୁଏ ତେବେ ସାଇ ଆଗକୁ ଦୁନିଆ ଦେଖି ନପାରେ ।ବର୍ତ୍ତମାନ ବଡ଼ ଅପରେସନ ପାଇଁ ଲକ୍ଷାଧିକ ଟଙ୍କାର ଆବଶ୍ୟକ ରହିଛି ।ତେବେ ଏତେ ଟଙ୍କା କେଉଁଠାରୁ ଆସିବ ବୋଲି ଚିନ୍ତାରେ ଅଛନ୍ତି କୂଳମଣୀ ।