ହାତୀଙ୍କ ଉତ୍ପାତ, ଗାଁରେ ପଶି ଭାଙ୍ଗିଲେ ଘର

ଦିନକୁ ଦିନ ପରଜଙ୍ଗ ଅଞ୍ଚଳରେ ବଣୁଆ ହାତୀଙ୍କ ଉତ୍ପାତ ବଢ଼ିବାରେ ଲାଗିଛି । ହାତୀଙ୍କ ପାଇଁ ଚାଷ ଜମି ନଷ୍ଟ ହେବା ସହିତ ଧନ ଜୀବନ ଉପରେ କ୍ଷୟକ୍ଷତି ଘଟୁଛି । ଢେଙ୍କାନାଳ ଜିଲ୍ଲା ମହାବିରୋଡ ବନଖଣ୍ଡ ଅଁଳାକଟା ସେକ୍ସନ ଅନ୍ତର୍ଗତ ରୋଡ ଗ୍ରାମରେ ଜଙ୍ଗଲି ହାତୀ ଙ୍କ ଉପଦ୍ରବରେ ଗ୍ରାମର ଜଣେ ଭିନ୍ନକ୍ଷମ ନୃସିଂହ ସାହୁ ଙ୍କ ଘରଟି ମାଟିରେ ମିଶାଇ ଦେଇଛନ୍ତି ।

ଘର କହିଲେ ଯାହାଥିଲା ସେଇ ମାଟି କାନ୍ଥ ଛପର ଘର ଖଣ୍ଡେ ତାହାବି ଆଉ ନାହିଁ । ପରିବାରରେ ଚାରି ପ୍ରାଣୀ ସ୍ତ୍ରୀ ମୂଲ ମଜୁରୀ କରି ଯାହା ଆଣେ ସେଇଥିରେ ଚଳି ଯାଉ । ହେଲେ ଭଗବାନ ତାହାବି ସହି ପାରିଲେ ନାହିଁ । କହିବା କଥାକି ଗଲା ରାତିରେ ଖାଇ ସାରି ଶୋଇବା ପୁର୍ବରୁ ହାତୀପଲ ଆସି ଘର ଭାଙ୍ଗି ଘରେ ଯାହା ଥିଲା ଭାତ ପେଜ ଚାଉଳ ସବୁ ମାଟିରେ ମିଶାଇ ଦେଲେ । ଜୀବନ ବିକଳେ ପରିବାର ଅଳ୍ପକେ ବର୍ତ୍ତି ଯାଇଥିଲେ । ପରେ ଖବର ପାଇଁ ବନ ବିଭାଗ କର୍ମଚାରୀ ପହଂଚି ହାତୀ ପଲଙ୍କୁ ଘଉଡାଇ ଥିଲେ ।