ପୋଖରୀରେ ବୁଡି ଶିଶୁ ମୃତ
ପରଜଙ୍ଗ ଥାନା ଆମ୍ବପଳାଶ ପଞ୍ଚାୟତର ମହାପାତ୍ର ସାହିରେ ଘଟିଛି ଏକ ଅଭାବନୀୟ ଘଟଣା । ପ୍ରକାଶ ମହାପାତ୍ର ଙ୍କ ଝିଅ ଲୁଲି ମହାପାତ୍ର (୩) ଘର ପାଖରେ ଥିବା ଦେଉଳ ପୋଖରୀରେ ବୁଡି ମୃତ ଘଟିଛି । ସାମନ୍ୟ ଅସାବଧାନତା ଯୋଗୁଁ ଘଟିଛି ଏହି ଭଳି ଅଘଟଣ ।
ସୂଚନା ମୁତାବକ ପ୍ରକାଶ ଙ୍କ ଝିଅ ଏକାକୀ ଘର ନିକଟରେ ଖେଳୁଥିବା ସମୟରେ ହଠାତ୍ ନିଖୋଜ ହୋଇଯାଇଥିଲେ । ପରିବାର ଲୋକେ ଦୀର୍ଘ ସମୟ ଧରି ଖୋଜାଖୋଜି କରିବା ପରେ ମଧ୍ୟ ଝିଅର କୈାଣସି ପତ୍ତା ମିଳିପାରି ନଥିଲା । ଝିଅ ମିଳିନଥିବାରୁ ସନ୍ଦେହ କରି ଘର ପାଖ ଦେଉଳ ପୋଖରୀରେ ଯାଇ ଦେଖିଲା ପରେ ଶରୀରର କିଛି ଅଂଶ ପାଣିରେ ଦେଖିବାକୁ ମିଳିଥିଲା । ସଙ୍ଗେ ସଙ୍ଗେ ପରିବାର ଲୋକେ ଉଦ୍ଧାର କରି ପରଜଙ୍ଗ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ତେବେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ଏନେଇ ଗାଁରେ ଶୋକାକୁଳ ପରିବେଶ ସୃଷ୍ଟି ହୋଇଛି ।
