ବିଦ୍ୟୁତ୍ ତାର ସଂସ୍ପର୍ଶରେ ଆସି ମହିଳାଙ୍କ ମୃତ୍ୟୁ

ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ରୋଡ଼ ପଞ୍ଚାୟତ ଗଇଲ ଗ୍ରାମରେ ଗତକାଲି ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ଗଇଲ ଗ୍ରାମର ଭାରତ ଚନ୍ଦ୍ର ସାହୁଙ୍କ ଘର ପଛ ପାଖରେ ପଡିଶା ଘର ଲୋକ ବିଦ୍ୟୁତ୍ ତାର ଫସଲ କୁ ହାତୀ ଦାଉରୁ ରକ୍ଷା କରିବା ପାଇଁ ଟାଣିଥିଲେ। ସେହି ଗ୍ରାମର ଭରତ ସାହୁଙ୍କ ସ୍ତ୍ରୀ ସଂଯୁକ୍ତା ସାହୁ(୫୬) ଆଜି ଦିନବେଳା ଘରପଛ ପାଖକୁ କୈାଣସି କାର୍ଯ୍ୟରେ ଯାଇଥିବା ବେଳେ ବିଦ୍ୟୁତ୍ ତାର ସଂସ୍ପର୍ଶରେ ଆସି ଘଟଣା ସ୍ଥଳରେ ପଡିରହିଥିଲେ, ଅପରାହ୍ନ ୫ ଘଟିକା ସମୟରେ ପରିବାର ଲୋକେ ତଳେ ପଡିରହିଥିବା ର ଦେଖିଥିବା ବେଳେ ତାଙ୍କର ମୃତ୍ୟୁ ହୋଇଯାଇଛି ।

ଏନେଇ ମୃତ୍ୟୁ ବରଣ କରିଥିବା ସଂଯୁକ୍ତା ଙ୍କ ପୁଅ ସୁବ୍ରତ ସାହୁ ପରଜଙ୍ଗ ଥାନା ରେ ବିଦ୍ୟୁତ ସଂଯୋଗ କରୁଥିବା ପଡୋଶୀ ଘରର ଲକ୍ଷ୍ମୀଧର ସାହୁ, ଉଦୟନାଥ ସାହୁ ଓ କୁନି ସାହୁ ମୃତ୍ୟୁ ପାଇଁ ଦାୟୀ ବୋଲି ସନ୍ଧ୍ୟାବେଳେ ଆସି ଥାନାରେ ଅଭିଯୋଗ ଦେବାପରେ ପରଜଙ୍ଗ ପୋଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି ବୋଲି ଥାନା ଅଧିକାରୀ ପ୍ରଶାନ୍ତ କୁମାର ପାତ୍ର ସୂଚନା ଦେଇଛନ୍ତି ।