ସାଂସଦଙ୍କ ଦ୍ଵାରା ୮ ପ୍ରକଳ୍ପ ଉଦଘାଟନ

ଢେଙ୍କାନାଳ ଜିଲ୍ଲା ପରଜଙ୍ଗ ବ୍ଲକ ସରାଙ୍ଗ ଓ ଆଖୁଆପାଳ ପଞ୍ଚାୟତ ୨ଟିରେ ସୋମବାର ସାଂସଦଙ୍କ କରକମଳରେ ୮ଟି ପ୍ରକଳ୍ପର ଶୁଭ ଉଦଘାଟନ ହୋଇଯାଇଛି ।ଏହି ଅବସରରେ ସରାଙ୍ଗ ପଞ୍ଚାୟତର ଜଟିଆ ଗ୍ରାମରେ ଉଚ୍ଚ ପ୍ରାଥମିକ ବିଦ୍ୟାଳୟ ଶ୍ରେଣୀ ଗୃହ ସମେତ ପାଚେରୀ ,ସରାଙ୍ଗ ଅନନ୍ତ ଶୟନ ଉଚ୍ଚ ପ୍ରାଥମିକ ବିଦ୍ୟାଳୟ ଶ୍ରେଣୀ ଗୃହ , ଏନଏଚ ସରାଙ୍ଗ ଠାରୁ ଜଟିଆ ରଗଡ଼ି ରାସ୍ତା , ଆଖୁଆପାଳ ପଞ୍ଚାୟତର ଦଦରାଘାଟି ଗୋଷ୍ଠି ଶୌଚଳାୟ , ଆଖୁଆପାଳ ଗ୍ରାମ ପଞ୍ଚାୟତ ଭବନ , ବିସାନାଳି ଗୋଷ୍ଠି ଶୌଚାଳୟ , ଦୋମୁହିଁଣି ଉଚ୍ଚ ପ୍ରାଥମିକ ବିଦ୍ୟାଳୟ ଶ୍ରେଣୀ ଗୃହ ଗୁଡ଼ିକ ଶୁଭ ଉଦଘାଟନ କରାଯାଇଥିଲା ।

ଆୟୋଜିତ କାର୍ଯ୍ୟକ୍ରମରେ ପରଜଙ୍ଗ ନିର୍ବାଚନ ମଣ୍ଡଳୀର ଯୁବ ନେତା ତଥା ବିଜୁ ଜନତା ଦଳର ସଂଗଠକ ଅସିତ୍ କୁମାର ରାୟ ଚୌଧୁରୀ ,ବ୍ଲକ ଅଧ୍ୟକ୍ଷ ଅକ୍ଷୟ କୁମାର ବେହେରା ,ବ୍ଲକ ଗୋଷ୍ଠୀ ଉନ୍ନୟନ ଅଧିକାରୀ ବିନୋଦ ବେହେରା ପ୍ରଭୃତି ସମ୍ମାନୀତ ଅତିଥି ରୂପେ ଯୋଗଦେଇଥିବା ବେଳେ ବ୍ଲକ ବିଜେଡ଼ି ସଭାପତି କୃଷ୍ଣ ଚନ୍ଦ୍ର ମହାନ୍ତି , ବ୍ଲକ ଯୁବ ବିଜେଡ଼ି ସଭାପତି ସୁବ୍ରତ କୁମାର ଦାସ ,ସରପଞ୍ଚ ପ୍ରଦୀପ ବେହେରା ,ଧରିତ୍ରୀ ମହାଳିକ , ପୂର୍ବତନ ଜିଲ୍ଲା ପରିଷଦ ସଦସ୍ୟ ନିରାକାର ପ୍ରଧାନ, ଜିଲ୍ଲା ଯୁବ ବିଜେଡ଼ି ସମ୍ପାଦକ ପ୍ରେମାନନ୍ଦ ସାହୁଙ୍କ ସମେତ ସରପଞ୍ଚ , ସମିତିସଭ୍ୟ ଦଳୀୟ କର୍ମୀ ଓ କର୍ମକର୍ତ୍ତା ଉପସ୍ଥିତ ଥିଲେ ,ଏତଦ୍ ବ୍ୟତୀତ ବ୍ଲକ ପ୍ରଶାସନର ଆସିଷ୍ଟାଣ୍ଟ ଇଂଜିନିୟର ସୁଜନ କୁମାର ସାହୁ ,ଯନ୍ତ୍ରୀ ପର୍ଶୁରାମ ପଟ୍ଟନାୟକ ଓ ସଞ୍ଜୟ କୁମାର ଲେଙ୍କା ଉପସ୍ଥିତ ଥିଲେ ।