ମଦ ଭାଟି କର୍ମଚାରୀଙ୍କୁ ଅପହରଣ ସହ ହତ୍ୟା ଉଦ୍ୟମ

ସରକାରୀ ଦେଶୀ ମଦ ଭାଟି କର୍ମଚାରୀଙ୍କୁ ଅପହରଣ ସହ ହତ୍ୟା ଉଦ୍ୟମ । ଏଭଳି ଘଟଣା ଘଟିଛି ପରଜଙ୍ଗ ଥାନା ଅନ୍ତର୍ଗତ ପିତିରି ସରକାରୀ ଦେଶୀ ମଦ ଭାଟି ର ମ୍ୟାନେଜର ସୁରଜମଲ୍ ପ୍ରସାଦ ଙ୍କ ଉପରେ । ପରଜଙ୍ଗ ଅଞ୍ଚଳର ଆମ୍ବପଳାଶ ଗ୍ରାମର କୁଖ୍ୟାତ ଚୋରା ଦେଶୀ ମଦ ମାଫିଆ ସମୟ ମହାପାତ୍ର ଙ୍କ ଦୁଇ ପୁଅ ସନ୍ଦୀପ ମହାପାତ୍ର ଓ ସାଗରଦିପ ମହାପାତ୍ର ଗତ କାଲି ଦିନ ଦୁଇ ଘଟିକା ସମୟରେ ସ୍କର୍ପିଓ ଗାଡି ନ- ଓ ଆର ୦୨ ବିଜି ୭୩୭୪ ରେ ପରଜଙ୍ଗ ରୁ ଅପହରଣ କରି ନେଇ ସୁରଜମଲ୍ ପ୍ରସାଦ ଆମ୍ବପଳାଶ ଜଙ୍ଗଲ ରେ ରଖି ତାଙ୍କୁ ମାରିଦେବାକୁ ମରଣତଙ୍କ ଆକ୍ରମଣର ଉଦ୍ୟମ କରିଥିଲେ ।

ପୋଲିସ କହିବା କଥା ଘଟଣା ର ଉଦେଶ୍ୟ ଥିଲାକି ଗତ କାଲି ସକାଳେ ପରଜଙ୍ଗ ଅବକାରୀ ବିଭାଗ ସମୟ ମହାପାତ୍ର କୁ ବିପୁଳ ଦେଶୀ ଚୋରା ମଦ ସହ ମହାବିରୋଡ଼ ରୁ ଗିରଫ କରି କୋର୍ଟ ଚାଲାଣ କରିଥିଲା । ଏଥିରୁ ଅନୁମାନ କରାଯାଉଛି କି ସୁରଜମଲ ଅବକାରୀ ବିଭାଗକୁ ଖବର ଦେଇଥିବା ଭାବି ଏଥିରେ ଇତ୍କ୍ଷିପ୍ତ ହୋଇ ତାଙ୍କ ଦୁଇ ପୁଅ ପିତିରି ସରକାରୀ ଦେଶୀ ମଦ ଭାଟି କର୍ମଚାରୀ ସୁରଜମଲ୍ ଙ୍କୁ ଅପହରଣ କରିନେଇଥିଲେ ।

ଖବର ପାଇଁ ପରଜଙ୍ଗ ପୋଲିସ ପହଞ୍ଚି ଅପହୃତ ଙ୍କୁ ଆହତ ଅବସ୍ଥାରେ ଉଦ୍ଧାର କରିବା ସହିତ ତାଙ୍କ ପାଖରୁ ୪ ଶହ ଲିଟର ଦେଶୀ ଚୋରା ମଧ୍ୟ ଜବତ କରି ଦୁଇ ଭାଇଙ୍କୁ ଗିରଫ କରି କୋର୍ଟ ଚାଲାଣ କରି ଅଧିକ ତଦନ୍ତ ଜାରି ରଖିଛି ।