ନାଳରେ ଭାସିଯାଇ ମହିଳା ଙ୍କ ମୃତ୍ୟୁ

ସଦରଥାନା ସାଙ୍କୁଲେଇ ଗାଁରେ ଶୌଚହେବାକୁ ଯାଇଥିବା ଜଣେ ମହିଳା ନାଳରେ ଭାସିଯାଇ ମୃତ୍ୟୁବରଣ କରିଛନ୍ତି । ମହିଳା ଜଣକ ଗାଁର ପ୍ରମୋଦ ରାଉତଙ୍କ ସ୍ତ୍ରୀ ବୀଣାପାଣି ରାଉତ ।

ସୂଚନା ଅନୁସାରେ, ସେ ଗତକାଲି ସନ୍ଧ୍ୟାରେ ସେ ଶୌଚହେବାକୁ ଯାଇ ଫେରିନଥିଲେ । ଘରଲୋକ ବହୁ ଖାଜାଖୋଜି କରିବା ପରେ ବଡଜୋରା ନାଳ ପାଖରେ ତାଙ୍କ ଚପଲ ଥିବା ଏବଂ ଗୋଡ ଖସିଯାଇଥିବାର ଦାଗ ଦେଖିବାକୁ ପାଇଥିଲେ ।

ଏହାସହ ଗତକାଲି ରାତିରେ ସଦର ଥାନାରେ ଲିଖିତ ଅଭିଯୋଗ କରିଥିଲେ । ତେବେ ଆଜି ସକାଳ ପ୍ରାୟ ସାଢେ ୫ଟା ବେଳେ କୁମାରଦେଇପୁର ଗାଁ ନିକଟ ବଡୋରା ନାଳରେ ତାଙ୍କ ଶବ ଭାସୁଥିବା ଦେଖିବାକୁ ମିଳିଥିଲା । ପୋଲିସ ଓ ଅଗ୍ନିଶ୍ରମ କର୍ମଚାରୀ ପହଞ୍ଚି ଉଦ୍ଧାର କରିଥିଲେ ।